Davlat pensiya ta’minotini boshqarish organlari, ularning guruhlanishi

MAVZU: DAVLAT PENSIYA TA’MINOTINI BOSHQARISH VA IJROSINI AMALGA OSHIRUVCHI ORGANLAR, ULARNING ASOSIY VAZIFALARI.

1. Davlat pensiya ta’minotini boshqarish organlari, ularning guruhlanishi.

2. 
   Budjetdan tashqari Pensiya jamg’armasi, uning tashkiliy tuzilishi.
   

3. Budjetdan tashqari Pensiya jamg’armasining vakolatlari, asosiy vazifalari.

4. 
   Jamg’arib boriladigan pensiya ta’minotini boshqarish organlari, ularning vazifalari.
   

1. Davlat pensiya ta’minotini boshqarish organlari, ularning guruhlanishi

Davlat pensiya ta’minoti tizimini boshqarish amaliyoti to’g’risidagi nazariy va amaliy fikrlarimizni bayon qilishdan oldin pensiya ta’minotiga taalluqli bir necha tushunchalarga oydinlik kiritishimiz zarur. Biz mamlakatimizda pensiya ta’minotini mablag’ bilan ta’minlash maqsadida davlat budjeti tarkibida konsolidatsiyalanadigan Pensiya jamg’armasi tuzilganligini va bu jamg’arma davlat pensiyalari, ijtimoiy nafaqalar va qonunda nazarda tutilgan boshqa to’lovlarni amalga oshirishga xizmat qilishini yaxshi bilamiz. Shu bilan birga, O’zbekiston Respublikasi Prezidentining 2009 yil 30 dekabrdagi “O’zbekiston Respublikasi Moliya Vazirligi huzuridagi budjetdan tashqari Pensiya jamg’armasining tashkiliy tuzilmasini shakllantirish chora-tadbirlari to’g’risida”gi PQ-1252-sonli Qarori bilan budjetdan tashqari Pensiya jamg’armasi hamda uning hududiy boshqarmalari va bo’limlari tuzilganligini va uning vakolatlari doirasi budjet Kodeksi hamda Jamg’arma Nizomi bilan tartibga solinadi. Demak, pensiya jamg’armasiga, bir tomondan mamlakat moliya tizimidagi aniq maqsadlarga mo’ljallangan davlatning budjetdan tashqari maqsadli jamg’armasi sifatida qaralsa, ikkinchi tomondan “pensiyalar, ijtimoiy nafaqalar, kompensatsiya to’lovlarini va boshqa to’lovlarni tayinlashni, moliyalashtirishni, hisobga olishni va ularning to’lanishi monitoringini olib borishni, ushbu maqsadlarga yo’naltiriladigan maqsadli moliyaviy resurslarni jamlashni, shuningdek tibbiy-mehnat ekspertizasi

xizmatlari faoliyatini tashkil etishni amalga oshirish” bo’yicha vazifalar va funksiyalarni bajarish zimmasiga yuklatilgan maxsus vakolatli davlat ijroiya organi, pensiya ta’minotining institutsional tuzilmasi sifatida qarash kerak. Bugungi kunda ushbu davlat boshqaruvi organi pensiya ta’minoti tizimini boshqarish va tashkil qilishda muhim o’rin egallamoqda.

2.