Davlat pedagogika instituti «tasdiqlayman»

O’zbekiston respublikasi
Oliy va o’rta maxsus ta’lim vazirligi
ТOSHKENT VILOYATI CHIRCHIQ
DAVLAT PEDAGOGIKA INSTITUTI

«TASDIQLAYMAN» Toshkent viloyati Chirchiq davlat pedagogika instituti rektori G.I.Muxamedov _______________________________ “____”_____________ 2022 yil

Tayanch doktorant (PhD)


ABLOQULOV LOCHINBEK QO’CHQAROVICH


02.00.03 – organik kimyo
ixtisosligi bo’yicha


NAZARIY – METODOLOGIK KURSNING
o’quv rejasi - dasturi

Ilmiy rahbar:

t.f.d., prof. Ikramov Abduvaxob

CHIRCHIQ-2021
02.00.03 – ORGANIK KIMYO IXTISOSLIGI BO’YICHA NAZARIY – METODOLOGIK KURS
I. Fanning maqsadi va vazifalari
Organik kimyo fanining metodologiyasiga quyidagilar kiradi: organik kimyo taraqqiyotning asosiy bosqichlari; organik moddalar sintez qilishning umumiy, xususiy va aniq metodlari; ilmiy bilish va uning haqqoniylik mezonlari strukturasi. Ushbu kurs tarkibiga ilmiy tadqiqotlarni o’tkazish va tashkil etish metodlari orasidan mavzuni tanlanganligi va dolzarbligining asoslanganligi, strategiyani ishlab chiqish, tadqiqot rejasi va dasturini tuzish, birlamchi ma’lumotlarni yig’ish usullari, qayta ishlash, qiyosiy taqqoslash, ikkilamchi ma’lumotlarni qayta ishlash va nazariy manbalarni tahlil qilish metodlari kiradi.
“Kadrlar tayyorlash Milliy dasturi”da ta’limning tabiiy yo’nalishi bo’limida ko’rsatib o’tilgan talabalarning tabiat haqidagi dunyoqarashini boyitish, ularda mustaqil fikrlash tuyg’ularini qaror toptirish, olingan nazariy va amaliy bilimlarni hayotga tatbiq etishni amalga oshirishga qaratilganligi bilan belgilanadi. Kimyoviy analizda analiz metodlarining sezgirligi, tanlab ta’sir etuvchanligi o’ziga xosligi muhim o’rin tutadi.
Organik kimyo atrofimizdagi olamni, tabiatni o’rganuvchi fanlarning biridir. Butun olam, butun borliq materiyadan iborat. Ma’lum qonun asosida o’rganish va undan insoniyat manfaati uchun foydalanish fanning asosiy vazifasi hisoblanadi. Ba’zan, moddada shunday o’zgarish bo’ladiki, buning oqibatida u boshqa moddaga aylanadi va kimyoviy jarayon sodir bo’ladi.
Organik kimyo – fan va texnikaning juda muhim va mustaqil bo’limi bo’lib, organik kimyo fanining rivojlanish tarixi, organik birikmalarni nomlash, olish va identifikatsiya qilish usullari, organik birikmalarning fizikaviy va kimyoviy xossalari, reaksion qobiliyatining turli omillarga bog’liqligi, uglerod va uning boshqa elementlar bilan hosil qilgan birikmalarining tarkibi, tuzilishi va xossalarini o’rganadi.