Давлат ҳокимияти ва бошқарувини ҳамда фуқаролик жамияти институтларини ривожлантиришнинг устувор йўналишлари

1.3. Жамоатчилик бошқаруви тизимини такомиллаштириш

Ўзбекистон Республикаси Президенти Шавкат Мирзиёев Конституция қабул қилинганининг 24 йиллигига бағишланган тантанали маросимдаги маърузасида илгари сурган асосий ғоя
“Халқ давлат идораларига эмас, давлат идоралари халқимизга хизмат қилиши керак” тамойили
бундан буён давлат органлари фаолияти асосига айланиши, барча саъй-ҳаракатлар ана шу мезонга амал қилиши лозим.
Ўзбекистон Республикаси Президентининг 2016 йил 28 декабрдаги “Жисмоний ва юридик шахсларнинг мурожаатлари билан ишлаш тизимини тубдан такомиллаштиришга доир чора-тадбирлар тўғрисида”ги Фармони қабул қилинди
Жисмоний ва юридик шахслардан келиб тушадиган мурожаатларни қонунга мувофиқ белгиланган муддатларда, сифатли ва холисона кўриб чиқиш имконияти яратилади.
Мурожаатларга асос бўлган тизимли қонунбузарликларнинг сабаб ва шарт-шароитларини аниқлаш юзасидан доимий таҳлиллар ўтказиши кўзда тутилмоқда.
Фармонга мувофиқ барча ҳудудларда Халқ қабулхоналарининг тизими яратилади.
Фармон барча соҳалар қатори тадбиркорлик субъектларининг ривожланишига халақит бераётган тўсиқ ва ғовларни бартараф этишга хизмат қилади ҳамда аҳоли, хусусан, тадбиркорларни ўйлантираётган масалалар тезда ўз ечимини топиш имконияти туғилади.
“Жисмоний ва юридик шахсларнинг мурожаатлари тўғрисида”, “Маҳаллий давлат ҳокимияти тўғрисида”ги ва бошқа қонун ҳужжатларига халқ қабулхоналарининг ҳуқуқ, ваколат ва мажбуриятларини белгилаб беришга қаратилган ўзгартиш ва қўшимчалар киритиш зарур.
Давлат ва хўжалик бошқаруви органлари масъул ходимлари учун фуқароларнинг мурожаатлари билан ишлашнинг замонавий усул ва шаклларини ўзлаштиришга қаратилган ўқув курслари ташкил этиш ҳамда малакали мутахассислар иштирокида уларнинг малакасини ошириб бориш тизимини йўлга қўйиш лозим.
2017-2021 йилларда Ўзбекистонни янада ривожлантириш бўйича Ҳаракат стратегиясида ҳам жойларда “Халқ қабулхоналари” фаолиятининг ташкилий ва ҳуқуқий асосларини такомиллаштиришга тўхтаб ўтилган