Давлат қЎмитаси тошкент автомобиль йўлларини лойиҳалаш, Қуриш ва эксплуатацияси институти

Иккинчи босқичда муаммонинг таркиби ишлаб чиқилади. Мавзулар, кичик мавзулар, саволлар белгиланади. Ушбу компонентларнинг таркиби муаммо (ёки комплекс муаммо)нинг шаклини (дарахтини) ташкил қилиши керак. Ҳар бир мавзу учун тадқиқот соҳаси аниқланади.
Учинчи босқичда муаммонинг долзарблиги, яъни бу босқичда илм-фан ва технологиялар учун аҳамияти белгиланади. Бунинг учун ҳар бир мавзу бўйича бир неча эътирозлар келтирилади ва таҳлил асосида, тадқиқотларни яқинлаштириш усули билан, ушбу мавзу ҳимоясини таъминлаш мақсадида эътирозлар асосли чиқариб ташланади. Бундай "тахлил" дан сўнг охир-оқибат муаммонинг таркиби тузалади ва мавзу, кчик мавзу, саволларнинг шартли коди белгиланади.
Муаммо асосланган ва унинг таркиби аниқлангандан сўнг илмий ходим (ёки жамоа), одатда мустақил равишда илмий тадқиқот мавзусини танлашга киришади. Айрим олимларнинг фикрига кўра мавзуни танлаш тадқиқотни ўтказишга нисбатан мураккаброқ бўлади.
Мавзуларга бир қатор талаблар қўйилади.
Мавзу долзарб бўлиши керак, яъни мавзу бугунги кунда ечилиши талаб этиладиган муҳим бўлиши керак. Бу энг асосий талаблардан бўлиб, ҳозирги кунда унинг даражасини аниқлайдиган мезонлар мавжуд эмас.
Мавзу янги илмий муаммони ҳал қилиши керак (илмий янгилиги). Бу, дегани, мавзу бундай қўйилишида ҳеч қачон ва ҳозирда ҳам ишлаб чиқилмаган ҳамда унинг такрорланишига йўл қўйилмайди. Такрорланиш фақатгина раҳбариятнинг топшиғига асосан рақобатда бўлган корхоналарга қисқа муддатда давлат учун муҳим бўлган вазифани ечиш мақсадида берилиши мумкин.
Илмий ва муҳандислик тадқиқотлари ўртасидаги фарқ ҳар йили тобора камайиб бормоқда. Бироқ, мавзуларни танлаётганда, янгилик муҳандислик эмас, балки илмий, яъни тубдан янги бўлиши керак. Ҳатто янги вазифа ишлаб чиқилаётган бўлса-да, лекин у мавжуд қонунларга асосланса, бу илмий ишланма эмас, муҳандислик - иқтисодий соҳа ишланмаларига киради. Шунинг учун илмий вазифани муҳандисликиқтисодийдан ажратиш керак. Олдиндан маълум бўлган ишланмалар илмий тадқиқот предмети бўла олмайди.