Andijon viloyati – Oʻzbekiston Respublikasi tarkibidagi viloyat. Fargʻona vodiysining sharqiy qismida. 1941-yil 6-martda tashkil etilgan. Maydoni 4,2 ming km². Aholisi 3 253 501 kishi (2022-yil 1-yanvar holatiga). Andijon viloyatida 14 qishloq tuman, 11 shahar va 95 qishloq fuqarolari yigʻini bor (2000). Markazi — Andijon shahri.[2]
Алишер Навоий номидаги Ўзбекистон Миллий боғи ҳақида нималарни биласиз?
Oʻzbekiston milliy bogʻi, Alisher Navoiy nomidagi Oʻzbekiston milliy bogʻi — Oʻzbekistonda mamlakat miqyosidagi eng yirik madaniyat va istirohat bogʻi. Toshkent shahrining markaziy qismida joylashgan; maydoni 69 ga. 1991-yilda Alisher Navoiy tavalludining 550 yilligi tantanalari munosabati bilan Oʻzbekiston Respublikasi Prezidenti I.A.Karimov tashabbusi bilan bunyod etilgan. Toshkent shahrining yoshlari tashabbusi bilan hashar usulida qurilib ishga tushirilgan istirohat bogʻi (1938) hamda bogʻ bilan Xalqlar Doʻstligi saroyi oraligʻidagi hududda loyiha asosida meʼmoriy majmua yuzaga keltirildi. Majmua markazida favvorali aylana hovuz, amfiteatr shaklidagi tomoshabinlar joylari va sahna, kanallar ustidagi koʻpriklar va tepalikda oʻrnatilgan Navoiy haykali, amfiteatrning ikki yonida Oliy Majlis va "Navroʻz" binolari joylashgan.Milliy bogʻning yangi qismi sharqona "chorbogʻ" uslubida loyihalangan muntazam tartibli keng va shinam yoʻlkalardan iborat mumtoz kompozitsiyaga ega. Hududdagi tabiiy pastibalandliklardan oqilona foydalanib soʻlim maskan, ajoyib manzara yaratilgan. Bogʻning muhim tarkibiy qismi Alisher Navoiy memorial majmuidir (meʼmorlar: V.Akopjanyan, D.Latipov; haykaltaroshlar: E.Aliyev, N.Bandzeladze, V.Degtyarov). Bogʻning tepalik qismidagi ayvon (rotonda) anʼanaviy uslubda ishlangan: ustunlarga oʻrnatilgan feruza gumbaz, uning ostida Navoiyning mahobatli haykali qad koʻtargan; poygumbaz muqarnaslar bilan, gumbaz ichi ganchkorlik bilan bezatilib, shoirning tinchlik va ezgulikni madh etuvchi misralari bitilgan. Memorial majmuaga marmar zinalar orqali chiqiladi. Milliy bogʻ hududidagi yirik jamoat binolari — Xalqlar Doʻstligi saroyi, Oliy Majlis binosi, "Navroʻz" restorani, Abulqosim mad~ rasasi, aylana shaklidagi sahna va amfiteatr uygʻunlikda yaxlit majmua hosil qiladi. Milliy bogʻdagi suv havzalari, bogʻdan oqib oʻtgan kanallar (2 ta charxpalak oʻrnatilgan), favvoralar, koʻkalamzorlar (terak, akatsiya, archa, qaragʻay, tut, chinor va boshqalar, maysazor va gulzorlar) xushmanzara koʻrinishga ega. Milliy bogʻ Toshkent shahrining eng goʻzal va soʻlim maskanlaridan boʻlib, shahar aholisi va mehmonlari dam olishi, hordiq chiqarishi uchun qulayliklar yaratilgan; bogʻda Navroʻz (2000-yildan) va Mustaqillik (2005-yildan) bayramlarining bosh tantanalari hamda xalq sayillari oʻtkaziladi, turli madaniy-maʼrifiy tadbirlar uyushtiriladi. Milliy bogʻ 2005-yilda qayta taʼmirlanib, yana ham koʻrkam qiyofaga kirdi.
Тошкент шаҳридаги Амир Темур хиёбони ҳақида нималарни биласиз?
1994-yil 31-avgustda, O‘zbekiston mustaqilligining 3 yilligi arafasida xiyobon "Amir Temur xiyoboni" deb nomlandi va uning markazida chavandozning bronza haykali ochildi. Uning ochilish marosimida ishtirok etgan O‘zbekiston Respublikasi Prezidenti Islom Abdug‘aniyevich Karimov nutq so‘zlab, jumladan, shunday dedi: "Uzoq yillar davomida mustamlakachilik zulmida bo‘lgan xalqimiz buyuk vatandoshini ulug‘lash va uning tarixiy xizmatlariga hurmat bajo keltirish imkoniyatidan mahrum bo‘lgan edi".
Haykaltaroshlar Kamol va Ilhom Jabborovlar hukmdorni shohona harbiy kiyim kiygan va ot mingan holda tasvirlashdi, chunki u umrining ko‘p qismini harbiy yurishlarda o‘tkazgandi. Uning qo‘lida qurol yo‘q, u bu yerda hukmdor, davlat arbobi sifatida tasvirlangan. Yodgorlikka to‘rt tilda Amir Temurning shiori: "Kuch adolatdadir" yozib qo‘yilgan.
Taniqli davlat arbobi, sarkarda Amir Temur Shahrisabzdan unchalik uzoq bo‘lmagan Xo‘ja Ilg‘or qishlog‘ida tug‘ilgan. U barlos urug‘iga mansub Tarag‘ayning o‘g‘li bo‘lgan. Temur yoshligidan turli urushlarda qatnashgan, boshqaruv tizimini o‘rganib borgan. U ulkan davlatni yaratib, 30 yildan ortiq davr mobaynida buyuk imperiyani boshqargan.
Пойтахтимиздаги Ҳазрати Имом мажмуаси ҳақида нималарни биласиз?
Do'stlaringiz bilan baham: |