Давлат-хизмат муносабатларининг

бевосита бошқарув таъсирига кўмаклашувчи муносабатлар. Бу муносабатлар вертикал муносабатларга хизмат қилади, яъни бир томонлама юридик-ҳокимият қарорини қабул қилиш учун шарт-шароитлар яратиб беришга қаратилади. Горизонтал муносабатлар бир даражада бўлган бошқарув субъектлари ўртасида вужудга келади. Масалан, биргаликда норматив ҳужжатни қабул қилиш учун тайёргарлик кўриш; ҳамкорликда бошқарув ҳаракатларини амалга ошириш; биргаликда қўшма тадбирларни (мажлисларни) олиб бориш; идоралараро, маслаҳат ёки мувофиқлаштирувчи кенгашларни ташкил этиш бўйича муносабатлар;

бевосита бошқарув таъсири амалга оширилгандан кейин вужудга келадиган муносабатлар, яъни бир томонлама тартибда қабул қилинган қарорнинг самарали ижро этилишига шароитлар яратиб бериш бўйича вужудга келадиган муносабатлар;

процессуал хусусиятдаги муносабатлар. Бундай муносабатларда ҳам томонлар тенг ҳуқуқли даражага эга бўлади. Масалан, бу муносабатларнинг мазмунини турли хилдаги низоларни кўриб чиқиш ташкил этиши мумкин;

маъмурий-келишув хусусиятига эга бўлган муносабатлар. Масалан, у ёки бу лавозимдаги ишга қабул қилиш тўғрисида олдиндан келишув.

Юридик адабиётларда юқоридаги ҳуқуқий муносабат турларидан ташқари ташқи ва ички ташкилий муносабатларни ҳам кўриш мумкин:
а) давлат органлари ички фаолиятининг доирасида вужудга келадиган муносабатлар (масалан, тузилмавий ва кадрлар масаласини ҳал этиш, бошқарув аппарати ходимларининг мажбуриятларини, уларнинг жавобгарлигини белгилаш);
б) бошқарувнинг ташқи соҳаси доирасида, яъни бошқарув объектларига нисбатан бевосита бошқарув функцияларини амалга ошириш жараёнида вужудга келадиган муносабатлар.