Жавоб:
Инсоннинг туғилиб ўсган жойи, юрти, мамлакати. Ватан – тарихан муайян халққа тегишли ҳудуд ҳамда унинг табиати, аҳолиси, ўзига хос тараққиёти, тили, маданияти, турмуши ва урф-одатлари мажмуи.
Ватанпарварлик нима?
Жавоб:
Инсонларнинг она юртига, ўз ошёнига муҳаббати ва садоқатини ифодалайдиган тушунча.
Она Ватан озодлиги йўлида жасорат кўрсатиб, номлари тилларда достон бўлган аждодларимиздан кимларни биласиз?
Жавоб:
Широқ, Тўмарис, Спитамен, Нажмиддин Кубро, Жалолиддин Мангуберди ва бошқалар.
Қомусий билим соҳиблари бўлмиш аждодларимиздан кимларни биласиз?
Жавоб:
Муҳаммад Мусо Хоразмий, Аҳмад Фарғоний, Абу Наср Форобий, Абу Райхон Беруний, Абу Али Ибн Сино ва бошқалар.
Буюк муҳаддис аждодларимиздан кимларни биласиз?
Жавоб:
Имом Бухорий ва Имом Термизий.
Буюк саркарда аждодларимиздан кимларни биласиз?
Жавоб:
Жалолиддин Мангуберди, Амир Темур, Заҳириддин Муҳаммад Бобур ва бошқалар.
Буюк саркарда ва давлат раҳбари Амир Темурнинг шиори қандай бўлган?
Жавоб:
“Куч - адолатда”.
Жадидчилик ҳаракати ҳақида нима биласиз?
Жавоб:
“Жадид” - сўзи арабчадан “янги” – деган маънони англатади.
Жадидчилик ҳаракати - 19-асрнинг охири 20-асрнинг бошида Туркистон, Кавказ, Қрим, Татаристон ҳаётида муҳим аҳамият касб этган ижтимоий-сиёсий, маърифий йўналишда амал қилган.
Жадидчилик ҳаракатининг намоёндаларидан кимларни биласиз?
Жавоб:
Туркистонда жадидчилик ҳаракатида Маҳмудхўжа Беҳбудий, Абдуқодир Шакурий, Саидаҳмад Сиддиқий, Мунавварқори Абдурашидхонов, Абдулла Авлоний, Фитрат, Файзулла Хўжаев, Ҳамза, Чўлпон, Исхоқхон Ибрат ва бошқалар фаол қатнашганлар.
Одоб нима?
Жавоб:
Инсоннинг жамоат орасида ўзини қандай тутиши, одамлар билан қай йўсинда муомала қилиши, ўз турмуши ва бўш вақтини қандай ташкил этиши, инсон ташқи қиёфаси қандай бўлиши лозимлигига оид қоидалар мажмуи.
Ахлоқ нима?
Жавоб:
Инсонларнинг бир-бирларига, оилага, жамиятга бўлган муносабатларида намоён бўладиган хатти-ҳаракатлари, хулқ-атворлари ва одоблари мажмуи.
Яхшилик нима?
Жавоб:
Яхшилик – одамларнинг хатти-ҳаракатларига, ижтимоий ҳодисаларга берилган ижобий баҳони ифодалайди. Яхшилик – энг муҳим фазилат бўлиб, инсон фаолиятининг асл ва азалий моҳиятини англатади. У бошқалар манфаати йўлида, ихтиёрий тарзда ва беғараз амалга оширилади.
Ёмонлик нима?
Жавоб:
Ёмонлик – одамнинг бошқаларга зарар етказадиган фикрлари, сўзлари, хатти-ҳаракатлари ёки ҳаракатсизлиги.
Виждон нима?
Жавоб:
Виждон – яхшилик нима-ю, ёмонлик нималигига жавоб берадиган ички ишонч ва масъулиятни англашга хизмат қилувчи ахлоқий тушунча. Виждон инсоннинг ахлоқий жиҳатдан ўз-ўзини назорат қила олиш, ўзида ахлоқий бурчни мустақил шакллантириш ҳамда ўзидан уни адо этишни талаб қилиш ва ўз хатти-ҳаракатларига баҳо бериш қобилиятини ифодалайди.
Do'stlaringiz bilan baham: |