Давлат божхона хизмати органларига

БОЗОР ИҚТИСОДИЁТИ - эркин товар пул муносабатларига асосланган, иқтисодий монополизмни инкор этувчи, аҳолини ижтимоий ҳимоя қилишга йўналтирилган ва бошқариладиган иқтисодий тизимдир.


БОЗОР МУВОЗАНАТИ - бозордаги талаб ва таклифнинг миқдори ва таркибий жиҳатидан бир-бирига мувофиқ келиши. Агар шундай мувофиқлик бўлмаса, бозор мувозанати издан чиққан ҳисобланади. Талаб таклиф узоқ вақт бир-биридан ажралиб қолса, бозор ўзининг меъёрдаги ҳолати, фаолиятини йўқотади.


ВАЛЮТА НАЗОРАТИ ОРГАНЛАРИ
Валюта назорати органлари ЎзРнинг “Валютани тартибга солиш тўғрисида”ги Қонунида белгиланган бўлиб, улар ЎзР Марказий банки, Молия вазирлиги, Давлат солиқ қўмитаси ва Давлат божхона қўмитасидир.


ВАЛЮТА - ( итал. valuta. лат. valere- қадрланмоқ, қиймат )- мамлакатнинг пул бирлиги ва унинг типи (олтин, кумуш, қоғоз, пул)га тенглаштирилган тўлов воситалари.


ВАЛЮТА БОЙЛИКЛАРИ
Чет эл валютаси, чет эл валютасидаги қимматли қоғозлар, чет эл валютасидаги тўлов ҳужжатлари ва соф қуйма олтин валюта бойликлари ҳисобланади.
Чет эл валютаси муомалада бўлган ҳамда хорижий давлатда қонуний тўлов воситаси ҳисобланган банкнотлар, хазина билетлари ва тангалар кўринишидаги чет эл пул белгилари, муомаладан чиқарилган ёки чиқарилаётган ҳамда худди шу хорижий давлатнинг пул белгиларига алмаштирилиши лозим бўлган чет эл пул белгилари, шунингдек ҳисобварақларда ва омонатларда бўлган хорижий давлатларнинг пул бирликларидаги ҳамда халқаро пул ёки ҳисоб-китоб бирликларидаги маблағлардир.


ГИПЕРИНФЛЯЦИЯ
Пулнинг юқори даражада қадрсизланиши:


ДИЛЕР
Товарлар, қимматли қоғозлар савдосида воситачилик қиладиган жисмоний шахс ёки фирма, одатда дилер биржада ўз номи ва ўз ҳисобидан воситачиликни амалга оширувчи шахс.


ДИСТРИБЬЮТОР
Йирик ишлаб чиқарувчилардан маҳсулотни улгуржи (оптом) сотиб олиб, уни истеъмолчиларга чакана (розничная) сотадиган жисмоний шахс ёки фирма.