Dasturlash I 2-hafta mavzu: Tarmoqlanuvchi hisoblash jarayonlarini dasturlash

4.4. Ikki tarmoqli if-else operatori
Key Point. Ikki tarmoqli if-else operatori berilgan mantiqiy ifodaning true yoki false qiymat qabul qilganda operatsiya bajarishga mo`ljallangan.
Bir tarmoqli if operatori agar mantiqiy ifoda rost qiymat qabul qilsa, dastur bosqichini operatsiya bajarishga yo`naltiradi. Mantiqiy ifoda yolg`on qiymat qabul qilganda esa hech qanday operatsiya bajarilmaydi. Ammo qo`yilgan shartning bajarilmagan holatida ham biror operatsiya amalga oshirilishi lozim bo`ladigan masalalar ham bor. Bunda ikki tarmoqli if - else operatoridan foydalanishimiz mumkin. Bu operator mantiqiy turning true yoki false qiymati uchun dastur oqimini bir-biridan farq qiluvchi ikki xil vazifaning bajarilishiga yo`naltiradi.
Quyida ikki tarmoqli if - else operatorining yozilish qoidasi keltirilgan:
if(mantiqiy ifoda)
{
mantiqiy ifoda rost qiymat olgandagi operatsiya;
}
else
{
mantiqiy ifoda yolg`on qiymat olgandagi operatsiya;
}
4.2-rasmda ushbu jarayonning algoritm blok-sxemasi keltirilgan.

4.2-rasm. if - else operatori mantiqiy turning true yoki false qiymati uchun dastur oqimini bir-biridan farq qiluvchi ikki xil vazifaning bajarilishiga yo`naltiradi
if - else operatori bajarilishini doira yuzasini hisoblash dasturi orqali ko`rib chiqamiz:
if(radius >= 0)
{
yuza = radius * radius * PI;
cout << "Doira radiusi: "<}
else
{
cout << "Manfiy radius";
}


4.5. Umumiy xatoliklar va tuzatishlar
Key Point. if operatorida figurali qavslarni unutib qoldirish, nuqtali vergulni xato qo`yish, == o`rniga = ni qo`yish, else blokini umumiy blokdan chiqarib qo`yish – tanlov ko`rsatmalaridagi xatoliklardir. Ikki tarmoqli if-else va o`zgaruvchilarni double turida e’lon qilish – xatolikning oldini olishdir.