Dasturlash I 2-hafta mavzu: Tarmoqlanuvchi hisoblash jarayonlarini dasturlash

1-umumiy xatolik: Figurali qavslarni unutib qoldirish.
Bir tarmoqli tanlov operatori tarkibida figurali qavslarni qoldirib yozish xato hisoblanmaydi. Bordiyu, agar figurali qavslar ko`p tarmoqli shart operatorlarida unutib qoldirilsa, dasturlashdagi asosiy xatolikka olib keladi. Agar if operatori tarkibiga yangi ko`rsatma satrini joylashtirmoqchi bo`lsak, shartlarni guruhlashtirishdagi xatolik yuzaga keladi.

(a) kodda yozilgan chiqarish operatori (cout) if operatori tarkibiga kirmaydi, chunki unda shart operatori tanasi ochiluvchi va yopiluvchi figurali qavslar oralig`iga olinmagan. Figurali qavs ishlatilmaganda if operatori o`zidan keyingi faqat bitta ko`rsatma satrini qabul qiladi.
2-umumiy xatolik: if operatorida nuqtali vergulning ishlatilishi
Dastur kodida if operatori ishlatilganda aynan u yozilgan satr so`ngida “;” - belgisi qo`yilmasligi lozim. Bunda dastur bajarilishi shartning qabul qilgan qiymatiga ko`ra shart tanasining tegishli qismiga o`tishi lozim. Nuqtali vergulning qo`yilishi shart operatori ishini shu joyda to`xtatib qo`yadi.

Dasturda Bu kabi xatoliklar ({}, ;, { };.)ni topish qiyin, chunki u kompilyatsiya jarayonida ham, dasturning bajarilishida ham aniqlanmaydi, ular mantiqiy xatoliklardir.
3-umumiy xatolik: if operatorida tenglikni tekshirish uchun “==”ning o`rniga “=” ning ishlatilishi
Dasturlashda if operatori tarkibida tenglik shartini tekshirish uchun ikkita tenglik belgilarini ketma-ket yozish kerak. Aks holda, ya’ni bitta tenglik belgisi ishlatilsa mantiqiy xatolikka yo`l qo`yilgan bo`ladi. Bilamizki bitta tenglik “=” belgisi C++da ta’minlash (o`zgaruvchiga qiymatni ta’minlash) operatori sifatida qo`llaniladi. Shart operatorida tenglik shartini tekshirish uchun bitta tenglik belgisidan foydalanilsa, shart tekshirilayotgan o`zgaruvchiga qiymat ta’minlanib qoladi va bu mantiqiy xatolik hisoblanadi. Buni quyidagi misolda ko`rish mumkin:
if(hisob = 3)
cout << "hisob nolga teng"<< endl;
else
cout << "hisob nolga teng emas"<< endl;
Bu dastur kodi har doim hisob nolga teng degan natijani chiqaradi. Chunki hisob o`zgaruvchisi bitta tenglik belgisi orqali o`ziga 3 qiymatni oladi. O`z navbatida 3 noldan katta son bo`lganligi uchun shart operatori rost qiymat qabul qiladi (1 va undan katta sonlar rost qiymatni beradi, 0 esa yolg`on qiymatni).