Дастурлаш асослари фанидан маърузалар матни doc

3.2.4. Dasturiy modul ustidan nazorat 
 
Dasturiy modulni nazorat qilishning quyidagi usullari qo‘llanadi: 
-modul matnining statik tekshiruvi; 
-mufassal kuzatuv; 
-dasturiy modul xususiyatlarini isbotlash. 
Modul matnining statik tekshiruvida ushbu matn moduldagi xatolarni topish maqsadida boshdan oyoq 
ko‘rib chiqiladi. Odatda bunday tekshiruvga modul ishlab chiquvchisidan tashqari yana bitta yoki xatto bir 
nechta dasturchilar jalb qilinadi. Bunday tekshiruv paytida aniqlangan xatolarni shu topda emas, balki modul 
matnini o‘qish tugaganidan so‘ng to‘g‘rilash tavsiya qilinadi. 
Mufassal  kuzatuv  modulni dinamik nazorat qilish turlaridan biridir. Bunda ham bir nechta dasturchi 
ishtirok etib, ular modulning bajarilishini biron-bir matnlar to‘plamida sinab ko‘radi. 
Dasturiy  modul  xususiyatlarining  isbotiga alohida ma’ruza bag‘ishlanadi. Bu o‘rinda esa ushbu usul 
hozircha juda kam qo‘llanishini qayd etish bilan cheklanamiz.