Dasturiy ta’minotdir. Operatsion tizim

QNX ( "кьюникс", "кью-эн-экс« деб талафуз қилинади) — POSIX-оиласига мансуб, реал вақтда ишловчи ОТ бўлиб, микроядорли процессорлар учун энг оптимал танлов.

1980 йилда Канададаги Ватерлоо Университети талабалари Гордон Белл ва Ден Дож ОТ дастурлаш курсини тугатишди ва шу билан бирга реал вақтда ишловчи ОТ ядросни яратишди.

Quantum Software Systems компаниясига асос солишди. 1982 йилда Intel 8088 платформасида ишловчи илк QNX OT тақдим этилди.

Охирги версияси 6.6 — 11 марта 2014 да Research In Motion компанияси томонидан ишлаб чиқилган

QNX ОТи реал вақт режимида, ҳам алоҳида компьютерда, ҳам локал ҳисоблаш тармоғида ишлайдиган мураккаб дастур мажмуаларини лойиҳалаштириш имконини беради.

Тизимда асосий дастурлаш тили С дир. Асосий операцион муҳит POSIX стандартига мос келади. Бу нарса, QNX олдин ишлаб чиқилган дастурий таъминотни, тақсимланган ишлов бериш муҳитида ишлашни ташкил этиш имконини беради

Фойдаланувчи ва амалий дастурлаш интерфейси UNIX тизимига ўхшайди, чунки POSIX стандартига жавоб беради. Аммо бу ОТ, UNIX нинг версияси эмас, у бутунлай бошқа, (UNIX га нисбатан) архитектура принципига асосланиб яратилган.

QNX, микроядро ва ахборотларни алмашиш принципида қурилган биринчи тижорат ОТ дир. Тизим турли даражадаги мустақил (аммо ахборот алмашиш йўли билан мулоқат қиладиган) жараёнлар (менеджер ва драйверлар) кўринишида амалга оширилган, уларнинг ҳар бири, маълум хизматларни бажаради.