Dasturiy ta’minot ishlab chiqish masalasining qo‘yilishi 6

3.1.3. Struktura diagrammasi (Struktogramm)
Dasturlash vositasi sifatida struktura diagrammasi (Struktogramm (inglizcha: Nassi-Shneidermann-Diagram)) dasturning mantiqiy chizmasiga qaraganda ancha qulayroq. Struktura diagrammasi yordamida dastur bitta tuzilish bloki chegarasida ko‘rsatilishi mumkin. Tuzilish bloki ichida struktura ostki bloklari ulanadi.
Tuzilish diagrammasi dasturlashning foydalanilayotgan tiliga va apparat vositalarining istalgan platformasiga bog‘liq bo‘lmagan dasturiy mahsulotni rejalashtirish va xujjatlashtirish bo‘yicha xujjatlarni ifodalaydi. Masalaning mantiqiy echilishi va buning uchun zarur bajarish strukturalari oldingi qatorda joylashadi.
Atigi bir nechta asosiy belgilar qo‘llanishi sababli struktura diagrammalari yordamida o‘qish va modullashni o‘rganish juda tez kechadi. Asosiy joylashuv quyidagi rasmda ko‘rsatilgan:

Takrorlash
	Tanlash
	Tanlash		Takrorlash
	Operator			Operator
Operator

3.6-rasm. Struktura diagrammasining asosiy joylashuvi
Struktura diagrammasidagi barcha jarayonlar uchta asosiy «Takrorlash» (Repetition), «Tanlash» (Selection) va «Operator» (Sequence) tuzilmalari bilan namoyon bo‘ladi.