Darsning texnologik xaritasi mavzu

YANGI DARSNING BAYONI
Nima qilmoq?, nima bo'lmoq? so'roqlariga javob bo'lib, harakat-holatni bildiruvchi so'zlarga fe'l deyiladi.

Fe'llar zamon, shaxs-son, bo'lishli-bo'lishsizlik ma'nolari va bu ma'nolarni ifodalovchi qo'shimchalarga ega bo'ladi. Masalan: yozmadim so'zida -ma qo'shimchasi (bo'lishsizlik), -di qo'shimchasi (zamon), -m qo'shimchasi esa shaxs-son ma'nolarini bildiradi.

MASHQLAR BAJARISH

264-mashq. Gaplarni daftaringizga ko'chirib yozing va fe'llarga izoh bering.

Suvni iflos qilmang. Uning har bir tomchisi aziz. Suv shahar va qishloqlarga, bog'-rog'larga, dalalarga obihayot eltadi, jon bag'ishlaydi. Usiz hayotning bo'lishi mumkin emas.

Afsuski, ayrim odamlar chiqindilarni suvga tashlashadi. Bu eng og'ir gunoh sanaladi.

Aziz bolalar! Siz aslo bunday qilmang. Suvni hamisha aziz tuting.
265- mashq. Hikoyatni o'qing. Fe'Ilarni topib, ularni izohlang. Donishmandning gaplari bo'yicha bahslashing.

Bir odam maslahat so'rab donishmandning huzuriga boribdi.

-Ey ulug' zot,-debdi u.-Mening farzandlarim ko'p. Nima qilsam, ulardan mehr-oqibat, e'tibor ko'raman.

Donishmand o'ylab turib javob beribdi:

-Mehr ko'ray desang, farzandlaring qalbiga mehrigiyo urug'ini soch.
266- mashq. Nuqtalar o'rniga gapning mazmunidan kelib chiqib, kerakli fe'llarni qo'ying.

Maktab o'quvchisi qanday bo'lishi lozimligini ... U bilimga chanqoq, odobli, tarbiyali ... O'zidan kattalarni ko'rganda birinehi bo'lib salom ...