Darsning texnologik xaritasi mavzu

Mustahkamlash. Interfaol ta'limning BBB usuli vositasida tashkil ctiladi. O'quvchilarning ko'chirma gaplar, ko'chirma gaplarda tinish

belgilarining ishlatilishi, shunday qolipli gaplarning nutqiy faoliyatdagi o'rni, vazifasi yuzasidan o'zlashtirgan bilim va tushunchalarini qisqa jumlalarda quyidagi jadvalga joylashtirish topshirig'i beriladi.

Bilar edim	Bilib oldim	Bilishni istayman
Og'zaki va yozma nutqda ko'chirma gaplarning qo'llanishini....	Ko'chirma gaplarda tinish belgilarining ishlatilish holatlarini...	Og'zaki va yozma nutqda ko'chirma gaplardan nima maqsadda foydalanishimiz haqida kengroq ma'lumotga ega bo'lishni...

Bunda o'qituvchi o'quvchilarni boshqarishi, jadval bandlarini mustaqil ravishda to'ldirishlariga yo'llanma, yordam berishi, noto'g'ri yozib qo'yishdan cho'chimaslikka da'vat etishi kerak. Bunday ish usullaridan tez-tez foydalanib turilsa (mavzu mazmun-mohiyatini hisobga olgan holda) o'quvchilarda ijodiy fikrlash bo'yicha ma'lum ko'nikma va malaka hosil bo'lib boradi.

Yuqoridagi amallar bajarib bo'lingandan so'ng o'quvchilar tafakkurida muallif gapi ko'chirma gapdan keyin, uning o'rtasida kelishi va ularda tinish belgilarining ishlatilishi haqida ma'lum bir tushunchalar tizimi hosil bo'ldi deylik, hosil bo'lgan tushunchalarni yanada mustahkamlash maqsadida quyidagicha amal bajariladi.

Yangi mavzu haqidagi ma'lumotlarni o'zlashtirishda qanday so'z va birikmalar asosiy o'rinda turdi? (Topshiriq yozma bajariladi. Ya'ni mavzuga doir asosiy so'z va iboralar yozib chiqiladi).

M: ko'chirma gap, muallif gapi, qo'shtirnoq, qo'shma gap, ikki nuqta, so'roq, undov belgilari va h. Shu o'rinda mavzu doirasida kichik bir mashq bajariladi. Binobarin, o'quvchilar keltirilgan so'z va iboralardan foydalanib, ko'chirma gaplarda tinish belgilarining ishlatilishiga oid ta'rif chiqaradilar. 3-4 o'quvchidan shakllantirilgan ta'rif eshitilib, o'qituvchi yordamida umumiy xulosa chiqariladi. Darsning yakunida mashg'ulot davomida o'zingizni qanday his etdingiz? degan savol bilan murojaat qilinadi (O'quvchilar darsdan olgan taassurotlari, o'zlarining ruhiy holatlari bilan o'rtoqlashadilar).

Darslikda berilgan savol-topshiriqlar bilan ishlanib, dars yakunlanadi va