Darsning mavzusi: Kirish. “Tarixiy xotirasiz kelajak yo’q” Darsning maqsadi

Rivojlantiruvchi – o`quvchilar tafakkurida tarixiy bilimlarni yanada kuchaytirish

Darsning usuli – Aralash, aqliy hujum, klaster;

Darsning turi – yangi bilim, ko’nikma va malaka hosil qilish.

Darsning jihozi –”Tarix” 5-sinf uchun darslik, “Qadimgi dunyo tarixi” asari, mavzuga oid ko’rgazmali qurollar, plakatlar, tarqatma materiallar.

Asosiy tushunchalar – Gitler,Fashistlar,SSSR

Darsning borishi.

I. Tashkiliy qism. a) salomlashish, b) davomat, c) yurtimiz va xorij xabarlarini so’rash.

II. O’tgan mavzuni mustahkamlash. ( uyga vazifa tekshiriladi.)

III.Yangi mavzu. Ikkinchi Jahon Urishi

Urush o`choqlarining paydo bo`lishi. Germaniyada davlat tepasiga fashistlarning kelishi bilan Yevropadagi siyosiy vaziyat keskin o`zgardi. Gitler ya boshqa gitlerchi rahbarlarning «marksizmni bu yerda va butun dunyoda quritish» to`g`risidagi da'volari uning obro`sini Yevropa jamoatchiligi oldida behad oshirdi va unga G`arb taraqqiyoti uchun kurashchi tojini kiydirdi. G`arb davlatlarining SSSR va Germaniya o`rtasida harbiy qarshilik yuzaga kelishi umidida SSSR bilan hamkorlik qilishdan voz kechdilar. G`arb davlatlari fashistlarni SSSR bilan harbiy qarshilikka kirishishga undadilar. Biroq, Gitler oldin Reyn viloyatini, so`ngra Avstriya, Sudet va, nihoyat, Chexoslovakiyani bosib oldi. Shu taxlit Yevropada birinchi urush o`chog`i alangalandi. Gitler katta urush boshlash yo`liga tushdi. Ikkinchi urush o`chog`i Uzoq Sharqda yuzaga keldi. Yaponiya hukumat doiralarida yapon militarizmi agressiyasini shimolga, sovet Primoryesi, Sibir, Xitoy va Mongoliya tomonga rivojlantirish tarafdori bo`lgan kuchlar yutib chiqdi. 1938-yil yozida yapon harbiylari SSSRga qarshi jiddiy avantyura uyushtirdilar. Yapon qo`shini qismlari sovet chegarasini Hasan ko`li yaqinida buzib o`tdi, biroq ayovsiz janglar natijasida ular Manjuriya hududiga chekinishga majbur bo`ldilar. Yevropada kollektiv xavfsizlik uchun kurash. Sovet diplomatiyasi1933-yili Yevropada kollektiv xavfsizlikni qaror topdirish kampaniyasini boshladi. Uning mohiyati har bir qatnashchi umumiy xavfsizlik uchun teng javobgar bo`lgan o`zaro yordam to`g`risidagi mintaqaviy bitimlarni tuzishdan iborat edi. Bu g`oyaning amalga oshirilishi kollektiv harakatlar bilan urushning oldini olish imkonini berardi. Sovet hukumatining diplomatik tashabbusi malum darajada muvaffaqiyat qozondi. 1935-yil 2-mayda Parijda SSSR va Fransiya o`rtasida o`zaro yordam ko`rsatish to`g`risidagi bitim imzolandi. Ikki hafta o`tib xuddi shunday bitim Sovet Ittifoqi va Chexoslovakiya o`rtasida tuzildi, biroq u SSSRning Chexoslovakiyaga faqat Fransiya Chexoslovakiyaga nisbatan o`z majburiyatini bajargan taqdirdagina yordam berishini ko`zda tutardi.