Darsning maqsadi: Ta`limiy

Yangi mavzu bayoni:

Inson erkinligi-insonning biror-bir faoliyat bilan shug’ullanishiga davlat tomonidan qonuniylashtirilgan imkoniyati, mamlakat aholisi uchun har xil cheklovlarni bo’lmasligidir.Erkinlik va shaxsiy daxlsizlik huquqiga inson tug’ilgan kunidan boshlab ega bo’ladi. Fuqaro o’ziga yoqqan hatti-harakatni birgina shart bilan, ular mamlakatda qabul qilingan qonunlarga zid bo’lmagan taqdirdagina sodir etishi mumkin. “Inson va fuqaro huquqlari deklaratsiyasi”da 1789-yildayoq “Erkinlik boshqalarga ziyon yetkazmaydigan hamma ishni qilish huquqidan iboratdir” deyilgan edi.O’zbekiston Respublikasi Konstitutsiyasida har kim erkinlik va shaxsiy daxlsizlik huquqiga ega ekanligi e’lon qilingan. Qonuniy asoslarsiz hech kim hibsga olinishi va qamoqda saqlanishi mumkin emas. Davlatning bosh g’oyasi sifatida shaxs erkinligi shaxs mustaqilligini, uning daxlsizligi himoya qilinishini taqozo etadi.Shaxs daxlsizligi O’zbekiston Respublikasi Konstitutsiyasi va qonunlari bilan muhofaza etiladi. Zo’ravonlik ishlatib qonunga xilof tarzda ozodlikdan mahrum etish erkinlik va shaxsiy daxlsizlikka qarshi keng tarqalgan jinoyatlardan biridir.