Darsning maqsadi: Ta`limiy

Darsning borishi:
1.Tashkiliy qism .O`quvchilarni faollashtirish.Davomatni aniqlash.

2.O`tilgan mavzuni so`rash

Sizning shahringiz yoki viloyatingizda qutlug` qadamjolar bormi?

Xoja Abduxoliq G`ijduvoniy haqida nima bilasiz?

3. Yangi mavzu bayoni:

Tarixiy xotira o`zining kimligi,nasl-nasabi,olis va yaqin tarixini doimo yodda tutib yashash tuyg’usi, qobilyatidir. Tarixiy xotirasi bor odam kuchli odam. Tarixiy xotirasini yoqatgan inson o’zligini, xalqini, Vatanini, erkinligini ham yo’qatadi va manqurtga aylanadi.

“Manqurt” qadimiy so’z bo’lib, tarixiy xotirasi yo’qot, ota-bobosini, o’zining kimligini esdan chiqargan kimsani anglatadi.

Tarixiy xotira har daqiqada insonning kimligi, qanday buyuk xalqqa mansubligi, kimlarning avlodi ekanini eslatib turadi. Insonni, xalqni o’z sha’ni va g’urur, or-nomusini asrab yashashga qodir bo’lishga undaydi.

Tarixiy xotira tuyg’usi dunyodagi barcha xalqlarga xos. Ular aynan shu tuyg’u tufayli ajdodlarining ruhini, ularning an’ana va qadryatlarini his qilib yashaydi. Uzoq Yaponiyadan kelib, Surxandaryodagi ko’hna Dalvarzintepa va Qoratepada arxeologik qazuv ishlarini olib borayotgan Kyudzo Kato misolida bu fikrning tasdig’ini ko’rish mumkin. Yoshi 80dan oshgan bu keksa olim o’z uyi, yaqinlarini tashlab yurtimizga kelishga, uzoq yillar davomida loy, tuproq kechib, jazirama issiq, qahraton sovuq demasdan, qadimiy tepalar bag’rini qadam-baqadamkovlab, ilmiy izlanishlar olib borishga majbur etgan narsa nima? Tarixiy xotira tuyg’usi.

Buyuk tarixni bilish, xuddi dengiz bag’ridan javohirlar tergan kabi, uning qa’ridan asl haqiqatlarni izlab topish ham bizdan katta kuch-g`ayrat va shijoat talab qiladi.Prezident I.Karimov ,,Yuksak ma`naviyat-yengilmas kuch” asarida shunday yozadi: ,,O`z tarixini bilmaydigan, kechagi kunini unutgan millatning kelajagi yo`q”. Tarixiy xotira yordamida biz ajdodlarimiz bilan g`oyibona ko`rishib,suhbat qurib,dunyoning qanchadan-qancha sirlaridan boxabar bo`lishga, buyuk xalq,muqaddas vatanning farzandi ekanimizdan faxrlanib,boshimizni baland ko`tarib yashashga ne yetsin.