Дарслик./Абулқосимов Ҳ. П., Абулқосимов М.Ҳ., Топилдиев С. Р. –Т

2017–2021 
йилларда 
Ўзбекистон 
Республикасини 
ривожлантиришнинг бешта устувор йўналиши бўйича Ҳаракатлар 
стратегиясида вилоят, туман ва шаҳарларни комплекс ва мутаносиб 
ижтимоий-иқтисодий ривожлантириш, уларнинг мавжуд салоҳиятидан 
самарали ва оптимал фойдаланиш бўйича қуйидаги вазифалар белгиланган:
- ижтимоий-иқтисодий ривожланишни жадаллаштириш, халқнинг 
турмуш даражаси ва даромадларини ошириш учун ҳар бир ҳудуднинг 
табиий, минерал-хомашё, саноат, қишлоқ хўжалиги, туризм ва меҳнат 
салоҳиятидан комплекс ва самарали фойдаланишни таъминлаш; 
- ҳудудлар иқтисодиётини модернизация ва диверсификация қилиш 
кўлламини кенгайтириш, минтақалар ижтимоий-иқтисодий ривожланиш 
даражасидаги фарқларни камайтириш; 
- янги саноат корхоналари ва сервис марказларини ташкил этиш, кичик 
саноат зоналарини ташкил қилиш, йирик хўжалик бирлашмаларининг 
маблағларини, 
банкларнинг 
кредитларини 
ва 
хусусий 
хорижий 
инвестицияларни жалб қилиш ҳисобига кичик шаҳарлар ва шаҳарчаларни 
жадал ривожлантириш; 

---

346 
- субвенцияга қарам туман ва шаҳарларни камайтириш, саноат ва 
хизматлар кўрсатиш соҳасини жадал ривожлантириш ҳисобига маҳаллий 
бюджетларнинг даромад базасини кенгайтириш; 
- ҳудудларнинг ишлаб чиқариш, муҳандис-коммуникация ва ижтимоий 
инфратузилма тармоқларини янада ривожлантириш ва модернизация қилиш. 
Ўзбекистон Республикаси Президенти Шавкат Мирзиёев Олий 
Мажлисга 
мурожаатномасида 
ҳудудларни 
жадал 
иқтисодий 
ривожлантириш ҳақидаги масалага тўхталиб ўтар экан, “Бу борада 
маҳаллий давлат ҳокимияти органларининг ваколатлари, имконият ва 
жавобгарлигини кенгайтириш мақсадга мувофиқ, деб ҳисоблайман. Бугунги 
кунда мамлакатимизнинг 9 та туманида хорижий инвестиция иштирокида 
биронта ҳам корхона ташкил этилмаган. Тўғридан-тўғри инвестициялар 
асосан Тошкент шаҳри, Тошкент ва Самарқанд вилоятлари ҳамда Фарғона 
водийсига тўғри келмоқда. Ҳудудларда замонавий ишлаб чиқариш ва 
муҳандислик-коммуникация тармоқлари бўйича лойиҳаларни давлат-
ижтимоий шериклик муносабатларини кучайтириш орқали тўлиқ амалга 
оширишимиз зарур. Бироқ бу борада етарли иш олиб борилмаётганини қайд 
этиш жоиз. Шунинг учун Давлат-хусусий шериклик муносабатларини