Дарслик Бакалавриат йўналиши: 5140800-педагогика ва психология талабалари учун дарслик

Нерв системаси типларининг келиб чиқиши.
Нерв системасининг умумий типлари келиб чиқиши юзасидан мулоҳаза юритилганда, албатта И.П.Павловнинг таълимотини еслаш мақсадга мувофиқдир, чунончи ирсият йўли билан шартланган тип-бу генотип демакдир. Ҳозирги даврда нерв системасининг умумий типи (генотип) ирсиятга боғлиқ еканлиги ҳақидаги маълумотлар, жуда кўп бўлиб, улар қиёсий жиҳатдан ҳайвонларни ўрганиш натижасида топилгандир.
Темпераментнинг типологияси мободо инсонлар темпераментлари бўйича қиёсланса, у ҳолда унинг хусусиятлари жиҳатидан ўзаро ўхшаш шахсларнинг гуруҳи мавжудлиги намоён бўлади. Бу аснода ерамиздан олдинги даврда ҳам темперамент типлари тўғрисида материаллар тўпланган.
И.П. Павлов таълимоти бўйича нерв системаси типларининг ва Гиппократ таълимоти бўйича темпераментнинг ўзаро муносабатлари

Темперамент типлари	Нерв системасининг кучи	Нерв тизимининг мувозанати	Нерв тизимининг илдамлиги
Холерик	Кучли жўшқин	Мувозанациз қизғин	Серҳаракат
Сангвиник	Кучли серҳаракат	Мувозанатли	Серҳаракат
Флегматик	Кучли вазмин	Мувозанатли	Инерт (суст)
Меланхолик	Кучсиз	Мувозанациз тормозли	Серҳаракат ёки инерт

Уларда темперамент типи дейилганда, инсонларнинг муайян гуруҳларини тавсифловчи психик хусусиятларнинг йиғиндиси (мажмуаси) тушунилади. Ҳозирги даврда темперамент типи деганда, маълум инсонлар гуруҳи учун умумий бўлган хусусиятларнинг содда мажмуаси емас, балки мазкур хусусиятларнинг қонуний, зарурий ўзаро боғлиқлиги тушунилади. Темперамент типини тавсифловчи хусусиятларнинг қонуний тарзда ўзаро боғлиқлиги қуйидагича акс етиши мумкин.

Нерв системаси ва темпераментнинг боғлиқлиги

Нерв тизимининг турлари