Dars sanasi: Sinf: Fan nomi: Alifbo

Dars sanasi: Sinf:
Fan nomi: Alifbo
Dars mavzusi: Ng tovush va Ng ng harflari.
Dars maqsadi:
a) ta’limiy maqsad: o’quvchilarga mavzuni to’liq yetkazish, Ng tovushi va Ng ng harflari haqida bilim va ko’nikma hosil qilish

2. 
   tarbiyaviy maqsad: o’quvchilarda ajdodlar merosini qadrlash, ularga hurmat tuyg’ularini tarbiyalash
   
3. 
   rivojlantiruvchi maqsad: o’quvchilarning o’qishga va yozishga, bilim olishga bo’lgan qiziqishlarini rivojlantirish
   

Dars turi: aralash
Dars uslubi: kichik guruhlarda ishlash, yakka holda ishlash
Darsda foydalaniladigan jihozlar: rasmlar, ko’rgazma, harf xaltasi, kesma harflar, „Alifbe“ varag’iga moslab ishlangan ko’rgazmali qurol
Ilmdan bir shu’la dilga tushgan on,
Shundan bilursankim ilm bepoyon.
Dars jarayoni va texnologik xaritasi

Ishning nomi	Bajariladigan ishning mazmuni	Metod	Vaqt
1-bosqich Tashkiliy qism	Darsni tashkil etish. O’quvchilarning davomatini aniqlash. Sinfning darsga tayyorgarligi tekshiriladi	Suhbat	2 minut
2-bosqich Ehtiyojlarni aniqlash	O’quvchilarning ehtiyojlarini aniqlab, mavzuga oid tushunchalar beriladi.	Savol-javob	3 minut
3-bosqich Yangi mavzu bayoni	O’quvchilarning maktabga moslashuvini aniqlash O’tilgan mavzuni mustahkamlash Ng tovushi va Ng ng harflari haqida tushuncha berish	Tushuntirish, izlanish Og’zaki savol-javob	31 minut
4-bosqich Mustahkamlash	Ng harfi bilan boshlanadigan so’zlarni aytish va rasm asosida tushuntirish ng tovushini talaffuz qildirish	Muammoli izlanish	6 minut
5-bosqich rag’batlantirish	O’quvchilarning darsga ishtiroki hisobga olinib rag’batlantiriladi		3 minut

I Darsning borishi:
Darsni tashkil etish. O’quvchilarning davomatini aniqlash. Sinfning darsga tayyorgarligini
tekshirish.
II O’tgan mavzuni so’rash:
O’tilgan mavzu yuzasidan aqliy hujum savollari beriladi:

• 
  O’tgan darsimizda qaysi tovushni o’rgangan edingiz?
  
• 
  G tovushi bilan tanishgandik
  
• 
  G tovushi qanday tovush?
  
• 
  g tovushi undosh tovush
  
• 
  g harfini harf lentasidan ko’rsating
  
• 
  guldon, gilam so’zlarini bo’g’inlarga ajratib yozib bering
  
• 
  g harfini talaffuz qiling (Birgalikda talaffuz qilinadi)
  

Takrorlash orqali o’quvchilar bilimini mustahkamlash.
O’quvchilarga kartochkalar tarqatiladi. O’quvchilardan tarqatilgan kartochkalardagi gaplarni o’qish talab qilinadi. 3-4 o’quvchi o’qigan gaplarning andazasi doskaga chizib ko’rsatiladi.
3. Yangi mavzuni tushuntirish
O’quvchilar diqqati doskaga jalb qilinadi.
O’quvchilarga ng tovushi talaffuz qilib ko’rsatiladi. Bu tovushning talaffuzida olingan havoning bir qismi burun bo’shlig’idan chiqishi, tilning orqa qismi tanglayga tegishibilan aytilib, ng tovushi bir necha marta talaffuz qilib ko’rsatiladi.
O’quvchilar oynaga qarab ovoz chiqarib talaffuz qiladilar. Bodring rasmi ko’rsatilib, gap tuziladi.
Dadam bodring ekdilar. Bodring so’zini andaza doskaga chiziladi. Tovush tomonidan tahlil qilinadi.
Darslik bilan ishlash. Darslikda berilgan so’zlar bo’g’inlarga bo’lib o’qiladi:
Tong keng tingla
Rang yeng tanga
Teng ta-rang bod-ring
O’quvchilarga Ng tovushi talaffuz qildiriladi. So’zlar takrorlanadi. Ushbu so’zlardan ng tovushi farqlanadi.
4. Dam olish daqiqasi
Tongda matni ifodali o’qib beriladi.
Tong otdi. Bulutlar ortidan quyosh mo’raladi. Bolalar yayradilar.
- Keling, Quyosh bobo! Doimo yonimda bo’ling, - dedi Elbek.
Hamma birgalikda o’qib takrorlaydi. Rasm asosida suhbat o’tkaziladi.
Berilgan rasmning nomi aniqlanib, katakchalarga yoziladi: chang
IV.Yangi mavzuni mustahkamlash uchun savol va topshiriqlar
Ng harfi elementlari daftarga yoziladi. Tong, rang so’zlari ham bir qatordan yoziladi
V. O’quvchilarni darsga ishtirokiga qarab rag’batlantiraman.