Dars maqsadi: a ta’limiy maqsad

Dars sanasi: Sinf:1-“______”

Fan nomi: Alifbo

Dars mavzusi: Tutuq belgisi

Dars maqsadi:

a) ta’limiy maqsad: o’quvchilarga mavzuni to’liq yetkazish, tutuq belgisi haqida bilim va ko’nikma hosil qilish

2. 
   tarbiyaviy maqsad: o’quvchilarning vatanga bo’lgan muhabbat tuyg’ularini tarbiyalash
   
3. 
   rivojlantiruvchi maqsad: o’quvchilarning o’qishga va yozishga, bilim olishga bo’lgan qiziqishlarini rivojlantirish
   

Dars turi: aralash

Dars uslubi: kichik guruhlarda ishlash, yakka holda ishlash

Darsda foydalaniladigan jihozlar: rasmlar, ko’rgazma, harf xaltasi, kesma harflar, „Alifbe“ varag’iga moslab ishlangan ko’rgazmali qurol

Ilmdan bir shu’la dilga tushgan on,

Shundan bilursankim ilm bepoyon.

Dars jarayoni va texnologik xaritasi

Ishning nomi	Bajariladigan ishning mazmuni	Metod	Vaqt
1-bosqich Tashkiliy qism	Darsni tashkil etish. O’quvchilarning davomatini aniqlash. Sinfning darsga tayyorgarligi tekshiriladi	Suhbat	2 minut
2-bosqich Ehtiyojlarni aniqlash	O’quvchilarning ehtiyojlarini aniqlab, mavzuga oid tushunchalar beriladi.	Savol-javob	3 minut
3-bosqich Yangi mavzu bayoni	O’quvchilarning maktabga moslashuvini aniqlash O’tilgan mavzuni mustahkamlash Tutuq belgisi haqida tushuncha berish “Dono qiz” she’rini o’qish	Tushuntirish, izlanish Og’zaki savol-javob	31 minut
4-bosqich Mustahkamlash	Tutuq belgisi qatnashgan so’zlarni aytish va rasm asosida tushuntirish Dam olish daqiqasi	Muammoli izlanish	6 minut
5-bosqich rag’batlantirish	O’quvchilarning darsga ishtiroki hisobga olinib rag’batlantiriladi		3 minut

Darsning borishi:

1-2 bosqichlar texnologik xarita asosida tashkil etiladi

O’tilgan mavzu yuzasidan aqliy hujum savollari beriladi:

• 
  O’tgan darsimizda qaysi tovushni o’rgangan edingiz?
  
• 
  f tovushi bilan tanishgandik
  
• 
  fasl so’zi necha bo’g’inli?
  
• 
  f tovushini cho’zib aytib bo’ladimi?
  
• 
  Yo’q, chunki undosh tovush.
  
• 
  Mukofot, farzand so’zlarini bo’g’inlarga ajratib yozib bering
  
• 
  f harfini talaffuz qiling (Birgalikda talaffuz qilinadi)
  
• 
  Odob haqida maqollardan ayting
  

Takrorlash orqali o’quvchilar bilimini mustahkamlash.

Harflar lentasidagi harflar bir boshdan o’qib takrorlanadi.

3. Yangi mavzuni tushuntirish

O’quvchilar diqqati doskaga jalb qilinadi. Yangi mavzu e’lon qilinadi.

O’quvchilarga bugun tutuq belgisini o’rganishni aytib, Tutuq belgisi qaysi so’zlarda yozilishi aytiladi. Tutuq belgisi qatnashgan so’zlar o’qilish ohangi, yozilishi haqida tushuncha beriladi.

:

‘ - tutuq belgisi

Tutuq belgisi qatnashgan so’zlar bo’g’inlarga bo’lib o’qiladi:

A’- lo va’-da e’-lon A’-zam

ma’-no jur’-at ta’-lim Ra’-no

sa’- va sur’ – at mash’-al Tal’-at
She’r ifodali o’qib beriladi.

DONO QIZ

E’zozani o’rtoqlari

A’lochi deb maqtaydilar.

Har so’zida olam ma’no

Dono qiz deb ataydilar.

Ishlarni u jur’at ila,

Toqat bilan ado qilar.

Kattalarga hurmat saqlar,

Kichiklarni izzat qilar

O’quvchilarga she’r o’qitiladi. She’r yuzasidan suhbat o’tkaziladi.
4. Dam olish daqiqasi

Maqol: Sen o’zingni maqtama, seni birov maqtasin.

Maqolning ma’nosi izohlanadi.

IV.Yangi mavzuni mustahkamlash uchun savol va topshiriqlar

Tutuq belgisi daftarga yoziladi. Va’da, Sur’at so’zlari ham bir qatordan yoziladi

V. O’quvchilarni darsga ishtirokiga qarab rag’batlantiriladi.