Dars maqsa di. Ta’limiy

I.Tashkiliy qism: Plakatlar o'quvchilar ko'rishi uchun qulay joyga o'rnatiladi, «Odobnoma» fanining maqsadi va vazifalari, fan bo'yicha 1-2 sinflarda o'rganilgan mavzular haqida umumiy tushuncha beriladi. O'quvchilar darsga ruhan tayyorlanadi.

II.Yangi mavzuni yoritish: O'zbekiston Respublikasi gimni qo'yib eshittiriladi. Agar buning uchun texnik imkoniyatlar yetarli bo'lmasa, gimnni o‘qituvchi boshchiligida o'quvchilarning o‘zlari ijro etishlari ham mumkin.

Yangi mavzu bilan tanishtirilgach, o'quvchilarning faolligini oshirish uchun quyidagi savollar bilan murojaat etiladi:

1. Ushbu plakatlarda (yoki darslikning 4-sahifasida) qanday tasvir-larni ko'ryapsiz?

2. Nima uchun gerbimizda Humo qushi tasvirlangan? Humo qanday qush?

3. Davlatimiz bayrog‘ida nimalar tasvirlangan?

O'quvchilarning javoblari to'ldirib, rag'batlantirib boriladi.

O'quvchilar tomonidan berilayotgan javoblarga va vaziyatga qa-rab qo'shimcha savollarni ham o'rtaga tashlash mumkin. Savol-javoblar so'ngida o'quvchilar tomonidan bildirilgan fikrlarga xulosa yasaladi.

O'qituvchi yangi mavzuning mazmunini qisqacha bayon qila-di. U o'z so'zida mustaqillik ulug' ne’mat ekanligi, tarixiy ahami-yati, ajdodlarimizning yurt ozodligi va tinchligi yo'lida olib borgan mardona kurashlari xususida qisqa va tushunarli tarzda to'xtalib o'tishi lozim.

Darsning tarbiyaviy va rivojlantiruvchi maqsadiga erishish uchun yurtimizning go'zal tabiati, yer osti va yer usti boyliklari, buyuk ajdodlarimiz va ularning jahon ilm-fani taraqqiyotiga qo'shgan his-sasi haqida ma’lumot berish o'rinli. Shuningdek, yurtimizda yoshlar uchun yaratilayotgan imkoniyatlar, keng ko'lamda olib borilayotgan bunyodkorlik ishlari, taraqqiyotning eng zaruriy sharti bo'lgan tinchlik-osoyishtalik xususida ham qisqacha ma’lumot taqdim etish shart. Bu jarayonda asosiy e’tibor o'quvchi-yoshlar yurt kelajagi, Vatan taqdiri esa ularning qo'lida ekanini chuqur anglatish va his qilishlariga qa-ratilishi zarur. Maxsus ekranda mavzuga oid slaydlar namoyish etib borish maqsadga muvofiq.