Билимларни батафсил ёритиш ва аниқлаштиришларсиз тизимлаштириш.
Маърузада баён этилаётган назарий ҳолатларнинг негизини курснинг ёки катта бўлимларнинг илмий-тушунчали ва концептуал асоси ташкил этади.
Маслаҳатли-маъруза
Билимларни чуқурлаштириш, тизимлаштириш.
Турлича сценарий бўйича ўтиши мумкин.
1. “Савол-жавоблар”- ўқитувчи бўлим ёки тўлиқ курс бўйича талабалар саволларига жавоб беради.
2. “Савол-жавоблар-мунозаралар”: ўқитувчи нафақат саволларга жавоб беради, балки жавобларни излашни ҳам ташкиллаштиради.
Якуний маъруза
Билимларни батафсил ёритиш ва аниқлаштиришларсиз тизимлаштириш.
Курсни ўрганишни якунлайди, бутун давр мобайнида ўтилганларни умумлаштиради. Якуний маърузада ўқитувчи курснинг асосий ғояларини ажратади, келгусидаги тезкор-хизмат фаолиятда ва бошқа фанларни ўрганишда олган билимларни қандай қўллаш йўлларини кўрсатади, фан бўйича якуний назорат хусусиятини тушунтиради, якуний назорат вариантларининг муракаб саволларини тушунтиради.
Ақлий ҳужум (брейнстроминг-ақллар тўзони) – амалий ёки илмий муаммолар ечиш ғоясини жамоавий юзага келтиришда қўлланиладиган метод.
Метод чегараланган вақт оралиғи ичида аниқ муаммо (савол, масала)ни ечишнинг ноанъанавий йўлларини излаш бўйича талабаларнинг ақлий фаолиятини йўналтиришга асосланган.
Ўқув машғулотидаги ақлий ҳужум учун муаммони танлаш қуйидаги тамойиллар бўйича амалга оширилади:
танланган муаммо назарий ва амалий аҳамиятга эга бўлиши ҳамда ўқувчиларда фаол қизиқиш уйғотиши керак;
кўп, ҳар хил маънодаги ечим вариантларига эга бўлиши керак.
Ўқитиш технологиясини ишлаб чиқишда ақлий ҳужум методи ўқув машғулотининг бир лавҳаси ёки бутун машғулотни ўтказиш асоси сифатида режалаштирилган бўлиши мумкин.
Ақлий ҳужум методининг технологик чизмаси 1-расмда келтирилган.
Ақлий ҳужум методининг технологик чизмаси
ИНСЕРТ ТЕХНИКАСИ ИНСЕРТ (инглизча сўздан олинган бўлиб - INSERT – Interaktive- интерфаол Noting – белгилаш System - тизим for-учун Effective – самарали Reading – ўқиш and– ва Thinking – фикрлаш деган маънони англатади).
Самарали ўқиш ва фикрлаш учун матнда белгилар қўйишнинг интерфаол тизими ҳисобланади.
Матнни белгилаш тизими:
(√) - менинг билганимни тасдиқловчи ахборот;
(+) –мен учун янги ахборот;
(−) - менинг билганларимга, зид ахборот;
(?) - мени ўйлантириб қўйди. Бу бўйича менга қўшимча ахборот керак.