Д. Т. Абдукаримов

Соя 
селекциясида оммавий танлаш
кам ўтказилади. Сояни экин сифатида 
ўзлаштириш даврида бу усулдан фойдаланилган. Аммо Америкалик 
селекциячилар ўтказган тажрибалар маълумотларига кўра ҳосилдорликка 
қаратилган селекцияда оммавий танлаш билан якка танлашнинг самараси бир 
хил. 
Сояни касалликларга чидамлилигини баҳолаш бир жойда бир неча йил 
давомида экиб, ҳосилни бир қисмини ерда ҳайдаб махсус инфекцион фонда, 
провокацион усулини қўллаб ўтказилади. 
Селекция жараѐнида ўрганиладиган соянинг линия ва шаклларини 
уруғидаги оқсил ва мойининг миқдори уруғининг бир қисми олиниб 
микроусулдан фойдаланиб аниқланади. 
Селекция жараѐнининг услуби ва техникаси. 
Соянинг селекция жараѐни 
ўзидан чангланувчи ўсимликларда қабул қилинган тартибли. Селекция 
ишининг тартиби ва танлаш усулидан фойдаланиш селекциянинг мақсади ва 
бошланғич материалнинг генетик табиатига боғлиқ. 
Баҳолаш ишларининг аксариати ўсимликларни пишиш даврида 
ўтказилади. Ўсимликларнинг касаллик ва заракунандаларга чидамлилиги 
вегетация даврининг тааллуқли фазаларида, хўраки навларини баҳолаш – 
хўжаликка яроқлилик фазасида ўтказилади. 
Чатиштириш техникаси.
Соянинг гули жуда майда ва мўрт бўлиб,, 
чангланиш гултожининг тўлиғича ѐпиқ ҳолатида ўтади. Шунинг учун уни 
дурагайлаш техник жихатдан қийин ўтади. Чатиштиришни гуллаш фазасини 
бошланишида ўтказиш қулай, чунки гуллашнинг ўрталари ва охирида 
тугунчаларни кўпи тўкилади. Чанглатиш учун эрталаб соат 5–7 ва кечқурун 
соат 17–19 да энг қулай вақт бўлиб ҳисобланади. Бичиш учун чатиштириш 
куни очиладиган гуллар танлаб олинади. 
Одатда ҳар бир шингилда 1–2 гул бичилади, қолган гуллари олиб 
ташланади. 
Бичилган гулларни чанглатиш дархол ўтказиш қулай, чунки эрталаб ва 
кечқурун чанг доначаларининг ҳаѐтчанлиги энг кучли бўлади. Чанглатиш учун 
1–2 гулнинг шу вақтда ѐрилган чангдонидан дархол териб олинган чанги 
олинади. Чангни устки гуллардан олмаслик керак чунки у ердаги чангнинг 
ҳаѐтчанлиги кўп вақтда пасайган бўлади. Намли муҳитда чанг доначаларининг 
сақлаш муддати бир соат. Чанглатилган ѐки чанглатишга тайѐрлаган гулларга 
этикетка осиб кўйиб, изоляция килинади. Муқобил шароитда изалятор 

---

64 
сифатида соянинг баргидан фойдаланиш мумкин. Кўп миқдордаги 
ѐғингарчилик ва намлиги баланд бўлган йиллар пергамент қалпоқчадан 
фойдаланилади. Шуни айтиш керакки изоляциянинг мақсади четдан 
чангланишдан асраш эмас (трипслар бичилган гулларнинг ичига кирмайди), 
балки тугунчаларни ортиқча намлик ва қуѐшнинг тўғри тушадиган нурларидан 
асрашдир. 
Чатиштиришнинг самарали бўлиши дала шароитда 50–60 % гача етади. 
Аммо она ўсимлиги махсус вегетация уйчасида экилган бўлса 80 – 90 % етади. 
Америкалик селекционер олимлари сояни дурагайлашни ўтказганда гулкоса 
баргларини ва гултожиларини олиб ташлайдилар. Соя ўсимлиги ўзининг 
протерогениялилиги билан бошқалардан фарқ қилганлиги учун уларда 
дурагайлаш ишини гулларини бичмасдан ўтказиш мумкин. 
Чанглатиш пишиқ чанг билан то чангланадиган гулнинг чангдонларини 
саргайиб колгўнча ўтказилади. Бу ҳолда уруғчининг пойчаси ва тумшуқчасини 
шикастланиш хавфи сезиларли камаяди, муваффақиятли чатишиш миқдори 
(проценти) эса кўпаяди. Украинада районлаштирилган соянинг Кировоградская 
4 нави (ВНИИМК 9186 х Куйбышевская 77) бичмасдан чатиштириш усули 
қўлланиб яратилган.