Д. Т. Абдукаримов

Ёввойи шакллари мажмуйи
иммунитет, қурғоқчиликка ва баҳорги 
совуқларга чидамлилик учун қимматли бошланғич материал (донор) 
ҳисобланади, аммо улар кучли ѐтиб қоладиган, дуккаклари ѐриладиган ва 
бошқа салбий хусусиятларга эга бўлганлиги учун дурагайлашда камдан кам 
фойдаланилади. 
ВИР даги соя намуналарининг
каталогидаги навлар асосий қимматли 
хўжалик – биологик белги ва хусусиятларига қараб қуйидаги гуруҳларга 
бўлинган : вегетация даврининг давомийлигига қараб тўққиз гуруҳга (80 

---

61 
кундан 170 ва ундан кўп кунгача); 1000 та уруғининг вазнига қараб – тўққиз 
гуруҳ (40 граммдан – 250 ва ундан кўп граммгача); бир ўсимликнинг 
маҳсулдорлиги бўйича тўққиз гуруҳ (6 дан 33 граммгача ва ундан кўп), 
қурғоқчиликка чидамлилига қараб – беш гуруҳ. Қатор касалликларга резистент 
шакллар мавжуд. Масалан, бактериал куйишга чидамли навлар – Нарчиф, 
Корсой, 189968 шакл, бактериал пуфакчалиликка CNS нави, барглари 
халқасимон доғланишига – Линколън ва Уабаш навлари, фитофтороз чиришига 
Иллини, Мукден, Арксой, Амсой 71, соянинг мозаика вирусига Дорман, Худ, 
Огден, Йорк навларидир. 
Селекция усуллари. 
Соя экини селекциясида бошланғич матералнинг 
янги шакллари тур ичида ва узоқ шаклларни дурагайлаш, гетерозис, сунъий 
мутагенез ва полиплоидия усулларини қўллаш билан ҳосил қилинади. 
Тур ичида дурагайлаш
– соя селекциясида асосий усул бўлиб 
ҳисобланади. Соянинг тарқалган навларининг аксариати шу усул асосида 
яратилган. Чатиштириш асосан Манчжур, Хиндохитой ва Корея кенжатурлари 
орасида ва ўзаро ўтказилади. Чатиштириш учун жуфт танлашда қўшимчалик 
принципи етакчи усул бўлиб ҳисобланади. Қайтариқли чатиштириш мавжуд 
навларни бир – икки керакли белгиларни қўшиб, яхшилаш мақсадида 
ўтказилади. Энг самарали бўлиб тўрт ва ундан кўп ота–она шаклларини 
мураккаб чатиштириш ҳисобланади. Мисол учун янги Уэлс (АКШ ва 
Канаданинг кооператив селекцияси) навини ҳосил қилиш схемасини келтириш 
мумкин:
С – 1266 R [(Ҳаросай дан танланган х (Линкольнх Огден дан танланган)] 
Х 
C – 1253 [(Блекхоқ х Ҳаросай) дан танланган] 
Уэлс нави тезпишар, юқори ҳосилли, фитофтора чиришига чидамли.
Соянинг Ланка нави ВНИИМК 1986 Х Приморская 529 Х (Кубанская 4959 
х Рекорд северный) ларни чатиштириш натижасида ҳосил қилинган.