D. O‘rinbayeva m. Rahimova

 
VATAN ISHQI 
  Vatan  chegarasini  uning  tarixi,  uning  madaniy  merosi  belgilaydi. 
O`tmishni  bugun  yaratib  bo`lmaydi,  o`tmish  bugunni  yaratadi.  Tarixdagi 
har  bir  ijtimoiy  yuksalish  jamiyatning  o`z  merosiga,  o`z  o`tmishiga 
bo`lgan  munosabatini  isloh  qilishdan  boshlangan.  O`tmishga  bo`lgan  har 
qanday  ijobiy  murojaat  esa  hamisha  inqilobiy  o`zgarishlarga  zamin 
tayyorlagan, o`tmish aqidalari bugun uchun xizmat 
qilgan.  Biroq  o`tmishga  murojaat  qilishdan  avval  unga  bo`lgan 
munosabatni halol, to`g`ri yo`lga solish kerak. 
  Vatan dushmanlari, o`tmish ag`yorlari yurt sarhadlarini kengaytirgan 
odamlardan qo`rqadilar. Shuning uchun umri va dahosi Vatan sarhadining 
ustunlariga  aylangan  xalq  farzandlariga:  Alpomish,  Navoiy,  Bobur, 
Qodiriy,  Behbudiy,  Cho`lpon,  Fitrat,  Usmon  Nosir,  Fayzulla  Xo`jayev, 

---

60 
 
Ibrohim  Mo`minov  kabilarga  hujum  qiladilar,  ularning  ruhini  ta'qibga 
oladilar. 
  Ammo  xalq  ularni,  o`z  bolalarini,  ko`ksiga  yashiradi:  dushmanlar 
Cho`lpon  she'rlarini  gulxanda  yoqadilar,  bilmaydilarki,  bu  she'rlar 
allaqachonlar  xalq  ko`ksida  O`rxun-Enasoy  toshlariga  zarblangan 
bitiklardek  abadiy  muhrlangan.  Bu  ko`kraklarni  ochadigan  kalit  -  e'tiqod, 
bu e'tiqod - Vatan ishqi, Vatan ozodligi! (130 ta so‘z). 
 
ONA 
Ona!  Bu  hayot  kabi  abadiy  va  aziz  so‘z.  Bu  so‘zda  olam-olam 
ma’no  bor.  Ona  borki,  odam  bor;  ona  borki,  Vatan  bor.  Zero  Ona  kabi 
muqaddas  va  tabarruk,  aziz  va  mo‘tabar,  beg‘araz  va  beminnat  inson  bu 
yorug‘  olamda  topilmaydi.  Ona  uchun  o‘z  farzandlarini  tarbiyalashdan, 
voyaga yetkazishdan buyuk baxt bo‘lmasa kerak. Shuning uchun ham ona 
farzandi  uchun  har  qanday  qiyinchiliklarga  bardosh  beradi,  chidaydi, 
farzand  uchun  chekilgan  bu  nihoyasi  yo‘q  kulfat,  mashaqqatlardan  xafa 
bo‘lish  o‘rniga,  aksincha,  o‘zini  baxtiyor  his  etadi.  Hadisi  sharifda 
aytilishicha:  “Musoviya  ibn  Xayida  aytadilarki,  Rasulullohdan:  “  Ey, 
Rasululloh,  men  yaxshiligimni  kimga  qilsam  bo‘ladi?”  –  deb  so‘radim. 
“Onangga”,-  dedilar.  Men  shu  savolni  uch  marta  qaytarsam  ham, 
Rasululloh: “Onagga”, - deyaverdilar. To‘rt marta so‘raganimda “Otangga 
va yaqin bo‘lgan qarindoshlaringga”,- dedilar.  
Darhaqiqat,  go‘dakni  qalbida  to‘qqiz  oy  ko‘targan,  dunyoga 
keltirgan,  tarbiyalab  inson  darajasiga  ko‘targan  -  bu  Ona!  Bejiz 
aytilmagan, “Onani bir qo‘li beshikni, bir qo‘li dunyoni tebratadi” deb. 
Ona  qo‘li  nafaqat  dunyoni,  bunyodkorlikni,  hayotni  tebratadi  (130 
ta so‘z).