D. O‘rinbayeva m. Rahimova

 
TAJRIBA 
Yoshlarni  yuksak  g‘oyalar,  chin  insoniy  fazilatlar  ruhida  tarbiyalab 
voyaga yetkazish katta jasoratdir. Buning uddasidan chiqa olgan kishilarga 
sharaf tojini kiygizib har qancha tashakkur hadya etsak va ulardan bir umr 
minnatdor bo‘lsak ham ozlik qilur. 
Pir-u 
badavlat 
kishilar 
hayotning 
barcha 
tashvishlarini, 
mashaqqatlarini boshidan kechirgan turmush tarzining ajoyib sohiblaridir. 
Ularning umr bo‘yi yig‘gan qutlug‘ tajribasi – bamisoli bir xazina. Bundan 
barakali bahramand bo‘lish yoshlarga hayotiy dasturulamaldir. 
Agar  biz  yoshi  ulug‘  kishilardan  so‘rasalar  navqiron  nasllarga  biror 
soha  mutaxassis  kasb-korligi  bo‘yicha  bilimga  ega  bo‘l  o‘z  ustingda 
tinmay  ishla,  izlan,  aql-u  idrokingni  takomillashtirib  bor,  odob-axloqda 
benazir  bo‘l,  xalqning  udumlarini  hurmat  qil,  to‘y-tomoshalarga  qatnash, 

---

64 
 
ta’ziya marosimlaridan sira qolma, do‘st-u birodar va umuman odamlarga 
g‘amxo‘r,  hamdard  bo‘l,  shunda  qalbing  hamisha  charog‘on  bo‘ladi, 
chehrangdan  quvonch  arimaydi,  yaxshilik  nashidasidan  o‘zing  ham 
halovat qilasan, deb pand-u nasihat bergan bo‘lur edik. 
(Sh. Orifiy)
 
(132 ta 
so‘z). 
 
DIPLOMATIYA
 
Diplomatiya 
– xorijiy davlatlar bilan aloqa qilish, ikki va undan ortiq 
davlatlar o‘rtasida aloqa o‘rnatishdir. 
Sharqda diplomatik aloqalar azaldan mavjud bo‘lgan. Bunday aloqalar 
diplomatik  yozishmalar  asosida  amalga  oshirilgan.  Yozishmalar  yorliqlar 
deb atalgan va o‘ziga xos lisoniy qoliplarga, an’anaviy tarkibiy qismlarga 
ega  bo‘lgan.  Jumladan,  1393-  yilda  To‘xtamishxonning  polyak  qiroli 
Yagayloga  yo‘llagan  yorlig‘i,  Temur  Qutlug‘ning  (1397-  y.)  yorliqlari, 
Boburning otasi Umarshayx Mirzoning 1469- yildagi yorliqlari diplomatik 
yozishmalarning namunasidir. 
Diplomatik  nutqning  eng  yorqin  namunasi  –  Amir  Temur 
yozishmalaridir.  Sohibqiron  diplomatiyasi  ko‘p  qirrali  bo‘lgan.  XIV  asr 
oxiri  –  XV  asr  boshlarida  Temur  saltanatining  dovrug‘i  Yevropa 
mamlakatlari:  Fransiya,  Angliya,  Ispaniya,  Genuya,  Vizantiyaga  yetib 
borgan. Bu davlatlar qirollari Amir Temur bilan siyosiy, iqtisodiy va savdo 
aloqalarini  o‘rnatganlar.  Temur  ular  bilan  faol  siyosiy  va  savdo 
munosabatlarini olib borgan. 
Amir  Temur  davlatining  tashqi  siyosati  va  jahonda  tutgan  mavqeyini 
diplomatik yozishmalarsiz tasavvur qilib bo‘lmaydi, albatta. 
(B. Ahmedov, 
«Amir Temur»)(133 so’z).