Covid-19 билан касалланган ҳомиладорларни олиб бориш

Ҳомилага потенциал зарарли таъсиридан аёл учун фойдаси юқори бўлганда, лопинавир + ритонавир (FDA тоифаси аниқланмаган) дори воситаларни қўллаш эҳтимоли бор: ҳар 12 соатда 14 кун давомида 400 мг лопинавир + 100 мг ритонавир буюрилади.

• Ҳомилага потенциал зарарли таъсиридан аёл учун фойдаси юқори бўлганда, лопинавир + ритонавир (FDA тоифаси аниқланмаган) дори воситаларни қўллаш эҳтимоли бор: ҳар 12 соатда 14 кун давомида 400 мг лопинавир + 100 мг ритонавир буюрилади.
• Per os қабул қилиш имкони бўлмаганда, препаратлар (400 мг лопинавир+100 мг ритонавир) 14 кун давомида ҳар 12 соатда, назогастрал найча (зонд) орқали (5 мл) суспензия кўринишида юборилади.
• Имкон қадар даволашни эрта бошлаш керак, бу эса сезиларли даражада соғайишни таъминлайди. Касалликнинг оғир ёки прогрессив кечиши кузатилган ҳомиладор аёлларда вирусларга қарши дори-воситалари, касаллик бошланган кунидан кечроқ бўлса ҳам, буюрилиши керак.
• Эмизувчи аёлларга вирусларга қарши дори-воситалари буюрилганда, эмизишни давом эттириш масаласи онанинг умумий аҳволига мувофиқ муҳокама қилинади.

Симптоматик даволаш қуйидагиларни ўз ичига олади:

• Иситмани тушириш - биринчи қўлланиладиган дори-восита парацетамол бўлиб, 500-1000 мг дан кунига 4 маҳал буюрилади (кунига 4 г дан ошмаслиги керак).
• ринит ва/ёки ринофарингитни комплекс давоси (намлантирувчи/элиминацион, бурун бўшлиғи қон томирларини торайтирувчи (деконгестантлар) дори-воситалар;
• бронхитнинг комплекс давоси (мукоактив, бронходилятатор ва бошқа дори-воситалар).

Иситмани тушириш учун қўлланиладиган дори-воситалар тана ҳароратининг 38,0-38,5°С дан юқори бўлган ҳароратларда буюрилади.

• Иситма, бош оғриғи, қон босими кўтарилиши ва оғир тахикардия аломатларини (айниқса, ишемик ўзгаришлар ёки ритм бузилиши мавжуд бўлганда) кўтара олмаслиги ҳолатларида, иситмани тушириш учун қўлланиладиган дори-воситалар, тана ҳароратининг пастроқ бўлган (38,0- 38,5°С дан) ҳароратларида ҳам буюрилади. Энг хавфсиз дори-восита парацетамол ҳисобланади.
• Ринит, фарингит, бурун битиши ва/ёки бурун оқишини даволашни денгиз суви асосида тайёрланган тузли эритмаларни (изотоник, бурун битиши кузатилганда гипертоник воситалардан) маҳаллий қўллашдан бошлаш керак. Агар улар самарасиз бўлса, бурун бўшлиғи қон томирларини торайтирувчи (деконгестантлар) дори-воситалари буюрилади.