Cover page obzor iqtisodiy-last 7B. cdr

2-боб. Олди-сОтди, маҳсулОт етказиб бериш ва кОнтрактация
шартнОмалари билан бОғлиқ ишлар бўйича суд амалиёти
51
60 000 000 сўмдан етказиб берилган 39 200 000 сўм топширилган 
маҳсулот қийматини чегирган ҳолда 20 800 000 сўм асосий қарз 
ундиришни сўраган .
Ўз навбатида “Яндаш ота” фермер хўжалиги қарши даъво аризаси 
билан мурожаат қилиб, “Юлдуз” МЧЖдан маҳсулотни қабул қилишни 
рад этганлиги сабабли 98 000 000 сўм зарар ундиришни сўраган .
Биринчи инстанция судининг 2017 йил 27 февралдаги ҳал қилув 
қарори билан дастлабки даъво талаби тўлиқ қаноатлантирилган . 
“Яндаш ота” фермер хўжалигидан “Юлдуз” МЧЖ фойдасига 
20 800 000 сўм асосий қарз ундирилган . Қарши даъво талаби қисман 
қаноатлантирилган . “Юлдуз” МЧЖдан “Яндаш ота” фермер хўжалиги 
фойдасига 49 000 000 сўм зарар ундирилган . Қарши даъво талабининг 
қолган қисмини қаноатлантириш рад этилган .
Биринчи инстанция судининг қарши даъво талабини қисман 
қаноатлантириш ҳақида хулосага келишига “Яндаш ота” фермер 
хўжалиги ва туман фермер, деҳқон хўжаликлари ва томорқа 
ер эгалари кенгаши иштирокида 2016 йил 30 июнда тузилган 
далолатнома асос бўлган .
Ушбу далолатномада “Яндаш ота” фермер хўжалиги ер майдонида 
етиштирилган умумий баҳоси 49 000 000 сўм бўлган, яъни ҳар бир 
килоси 490 сўмдан жами 100 000 тонна қовун маҳсулоти “Юлдуз” 
МЧЖга олиб борилганда у томонидан маҳсулотни қабул қилиш рад 
этилганлиги қайд этилган .
Ваҳоланки, Фк 14-моддасининг иккинчи қисмига мувофиқ зарар 
деганда, ҳуқуқи бузилган шахснинг бузилган ҳуқуқини тиклаш учун 
қилган ёки қилиши лозим бўлган харажатлари, унинг мол-мулки 
йўқолиши ёки шикастланиши (ҳақиқий зарар), шунингдек бу шахс ўз 
ҳуқуқлари бузилмаганида одатдаги фуқаролик муомаласи шароитида 
олиши мумкин бўлган, лекин ололмай қолган даромадлари (бой 
берилган фойда) тушунилади .
Ўзбекистон Республикаси Олий хўжалик суди Пленумининг 
“Мажбуриятларни бажармаганлик ёки лозим даражада бажарма-
ганлик учун мулкий жавобгарлик тўғрисидаги фуқаролик қонун 
ҳужжатларни қўллашнинг айрим масалалари тўғрисида” 2007 йил
15 июндаги 163-сонли Қарорининг 19-бандида, зарарни қоплаш билан 

---