Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
214
МЧЖ уставнинг 10 .4-бандида МЧЖ ҳар йили камида икки 
марта иштирокчилар умумий йиғилишини ўтказиши шартлиги 
белгиланган .
МЧЖ иштирокчилари Абдуманнопов Абдумалик Абдувалиевич, 
Абдумажидов Беҳруз Абдурасуловичлар томонидан МЧЖ 
раҳбари (жамиятнинг энг кўп улуш эгаси бўлган иштирокчиси) 
А .Соиповга ўз улушларини олиш юзасидан 2015-2016-йиллар 
давомида бир неча маротаба ёзма мурожаат қилинган бўлсада, 
МЧЖ ижро этувчи органи томонидан бу ҳақда умумий йиғилиш 
ўтказилмаган, МЧЖ устави ва қонунда белгиланган нормалар 
ихтиёрий бажарилмаган . 
Шу сабабли МЧЖ иштирокчилари Абдуманнопов Абдумалик 
Абдувалиевич, Абдумажидов Беҳруз Абдурасуловичлар судга даъво 
аризаси билан мурожаат қилиб, МЧЖ зиммасига иштирокчиларнинг 
умумий йиғилишини ўтказиш мажбуриятини юклашни сўраган . 
Биринчи инстанция судининг 2017 йил 6 январдаги ҳал қилув 
қарори билан даъво талаби қаноатлантирилган . МЧЖнинг ижро 
этувчи органига кун тартибига МЧЖнинг соф фойдасини МЧЖ 
иштирокчилари ўртасида тақсимлаш масаласи киритилган ҳолда 
МЧЖ иштирокчиларининг умумий йиғилишини 45 кун муддат ичида 
ўтказиш мажбурияти юкланган .
Чунки “Масъулияти чекланган ҳамда қўшимча масъулиятли 
жамиятлар тўғрисида”ги Ўзбекистон Республикаси Қонунининг 
31-моддасига мувофиқ жамият иштирокчиларининг навбатдаги 
умумий 
йиғилиши 
жамиятнинг 
уставида 
белгиланган 
муддатларда, лекин йилига камида бир марта ўтказилади . Жамият 
иштирокчиларининг навбатдаги умумий йиғилиши жамиятнинг 
ижро этувчи органи томонидан чақирилади . Жамиятнинг уставида 
жамият фаолиятининг йиллик натижалари тасдиқланадиган жамият 
иштирокчиларининг навбатдаги умумий йиғилишини ўтказиш 
муддати белгиланиши керак . Жамият иштирокчиларининг мазкур 
умумий йиғилиши молия йили тугаганидан кейин кечи билан олти ой 
ичида ўтказилиши керак .
Шунингдек, мазкур Қонуннинг 25-моддасига мувофиқ жамият 
йилнинг ҳар чорагида, ярим йилда бир марта ёки бир йилда бир 

---