Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
178
Шу боис ДСИ 2017 йил 12 апрелда судга ариза билан мурожаат 
қилиб, МЧЖни банкротликнинг соддалаштирилган таомили бўйича 
банкрот деб топишни сўраган .
Биринчи инстанция судининг 2017 йил 30 апрелдаги ҳал 
қилув қарори билан ариза қаноатлантирилган . Хусусий корхона 
банкрот деб топилган ва тугатишга доир иш юритиш бошланган . 
Хусусий корхонани тугатишга доир иш юритишни олиб бориш учун 
4-тоифали суд бошқарувчиси С .Ғуломов тугатиш бошқарувчи этиб 
тайинланган . 
МЧЖ 2017 йил 5 августда назорат тартибидаги шикоят билан 
мурожаат қилиб, унинг кредиторлар олдидаги қарздорлиги Қонун 
5-моддасида белгиланган энг кам иш ҳақи миқдорининг беш юз 
каррасини ташкил этмаслигини важ қилиб биринчи инстанция 
судининг 2017 йил 30 апрелдаги ҳал қилув қарорини бекор қилишни 
сўраган . 
Ҳайъат МЧЖнинг назорат тартибидаги шикоятига асосан ишни 
қайта кўриб чиқиб, биринчи инстанция судининг ҳал қилув қарорини 
ўзгаришсиз қолдиришни лозим топган . 
Ҳайъат бундай хулосага келишда Пленум 142-сонли қарорининг 
35-бандида берилган тушунтиришларга асосланган .
Ушбу Пленум қарори 35-бандининг биринчи хатбошисида 
қарздорни банкротликнинг соддалаштирилган таомили бўйича 
банкрот деб топиш (тугатилаётган ёки ҳозир бўлмаган қарздор) 
ҳақидаги аризани қабул қилишда кредиторлик қарзларининг 
миқдори аҳамиятга эга эмаслиги ҳақида тушунтириш берилган .
Ҳайъатнинг қарорида қарздорнинг солиқлар ва бошқа 
мажбурий тўловлардан бўлган қарзи 7 560 000 сўмни (энг кам иш 
ҳақи миқдорининг беш юз каррасидан кам) ташкил этган бўлсада, 
биринчи инстанция суди томонидан ДСИнинг аризаси Пленум 
142-сонли қарори 35-бандининг биринчи хатбошисига мувофиқ 
асосли равишда иш юритишга қабул қилинганлиги ва мазмунан 
кўриб чиқилганлиги қайд этилган . 

---