Cover page obzor iqtisodiy-last 7B. cdr

3-боб. Кредит, гаров (ипотеКа), лизинг ва суғурта шартномалари
билан боғлиқ ишлар бўйича суд амалиёти
107
Аммо ҳайдовчи А .Алиев жиноят ишлари бўйича Бўстонлиқ
туман судининг 2016 йид 25 январдаги қарори билан 12 ойга 
транспорт воситасини бошқариш ҳуқуқидан маҳрум этилган 
бўлишига қарамасдан (илгари содир этган йўл транспорт ҳодисаси 
учун), “Чиноз” МЧЖ 2016 йил 10 февралдаги хат билан “Инвест” 
суғурта компаниясига мурожаат қилиб, А .Алиев ҳайдовчи сифатида 
“Чиноз” МЧЖга ишга қабул қилинганлиги сабабли 2014 йил 31 май-
даги суғурта полисига унинг фамилиясини киритиб қўйишни сўра-
ган . “Инвест” суғурта компанияси ҳайдовчи А .Алиевнинг транспорт 
воситасини бошқариш ҳуқуқидан маҳрум қилинганлигини билмаган 
ҳолда унинг фамилиясини суғурта полисига киритган . 
Шу сабабли “Инвест” суғурта компанияси судга даъво аризаси 
билан мурожаат қилиб, “Чиноз” МЧЖдан ҳайдовчи Б .Илҳомов 
фойдасига йўл транспорт ҳодисаси содир этилганлиги натижасида 
суғурта товони сифатида тўлаб берилган 2 394 294 сўм зарарни 
ундиришни сўраган .
Биринчи инстанция судининг 2016 йил 28 ноябрдаги ҳал қилув 
қарори билан даъво талаби тўлиқ қаноатлантирилган .
Чунки Фк 985-моддасининг биринчи қисмига мувофиқ ғайри-
қонуний ҳаракат (ҳаракатсизлик) туфайли фуқаронинг шахсига ёки 
мол-мулкига етказилган зарар, шунингдек юридик шахсга етказилган 
зарар, шу жумладан бой берилган фойда зарарни етказган шахс 
томонидан тўлиқ ҳажмда қопланиши лозим .
“Транспорт воситалари эгаларининг фуқаролик жавобгарлигини 
мажбурий суғурта қилиш тўғрисида”ги Ўзбекистон Республикаси 
Қонунининг 24-моддаси ҳамда Ўзбекистон Республикаси Вазир-
лар Маҳкамасининг 2008 йил 24 июндаги 141-сонли қарори билан 
тасдиқланган “Транспорт воситалари эгаларининг фуқаролик жавоб-
гарлигини мажбурий суғурта қилиш Қоидалари” 78-бандининг 
“в”-кичик бандига мувофиқ суғурталовчи зарар етказган шахсга 
(суғурта қилдирувчига, фуқаролик жавобгарлиги мажбурий суғурта 
шартномаси бўйича суғурталанган бошқа шахсга) ўзи тўлаган суғурта 
тўлови миқдорида агар мазкур шахс ўзи фойдаланаётганда зарар 
етказган, транспорт воситасини бошқариш ҳуқуқига эга бўлмаган 
бўлса, регресс тартибида талаб қилиш ҳуқуқига эга .

---