Cover page obzor iqtisodiy-last 7B. cdr

3-боб. Кредит, гаров (ипотеКа), лизинг ва суғурта шартномалари
билан боғлиқ ишлар бўйича суд амалиёти
97
Шу сабабли “Агро банк” АТБ судга даъво аризаси билан
мурожаат қилиб, “Яйпан” МЧЖдан 80 000 000 сўм асосий қарз
ва 4 000 000 сўм фоизни ундиришни ҳамда ундирувни “Элёр” МЧЖ 
томонидан гаровга қўйилган мулкка қаратишни, гаров мулкининг 
кимошди савдосидаги бошланғич сотув баҳосини белгилашни 
сўраган .
Биринчи инстанция судининг 2016 йил 14 апрелдаги ҳал 
қилув қарори билан даъво талаблари тўлиқ қаноатлантирилган . 
“Яйпан” МЧЖдан “Агро банк” АТБ фойдасига 80 000 000 сўм асосий 
қарз ва 4 000 000 сўм фоиз ундирилган . Ундирув “Элёр” МЧЖ 
томонидан гаровга қўйилган мулкка қаратилиб, унинг кимошди 
савдосидаги бошланғич сотув баҳоси ипотека шартномасига асосан
120 000 000 сўм қилиб белгиланган .
Суднинг ҳал қилув қарори қонуний кучга киргач, суд томонидан 
ижро варақалари берилган ва улар асосида суд ижрочиси томонидан 
ижро ишини юритиш қўзғатилган .
кейинчалик, “Агро банк” АТБ жавобгарлар “Яйпан” МЧЖ
ва “Элёр” МЧЖга нисбатан судга ариза билан мурожаат қилиб, 
гаровга қўйилган мулкнинг кимошди савдосидаги бошланғич сотув 
баҳосини қайтадан белгилашни сўраган .
Суднинг 2017 йил 5 февралдаги ажрими билан қонун талаблари 
бузилган ҳолда ариза қаноатлантирилиб, “Элёр” МЧЖ томонидан 
гаровга қўйилган мулкнинг кимошди савдосидаги бошланғич сотув 
баҳоси 150 000 000 сўм қилиб белгиланган .
Чунки Фк 281-моддасининг учинчи, олтинчи ва еттинчи 
қисмларига мувофиқ гаровга қўйилган мол-мулкнинг кимошди 
савдоси бошланадиган вақтдаги бошланғич сотиш баҳоси ундирув 
суд тартибида мол-мулкка қаратилган ҳолларда суд қарори билан ёки 
бошқа ҳолларда гаровга олувчининг гаровга қўювчи билан келишуви 
натижасида белгиланади . Такрорий кимошди савдоси амалга 
ошмаган деб эълон қилинганида гаровга олувчи гаров нарсасини 
такрорий кимошди савдосидаги бошланғич сотиш нархидан кўпи 
билан ўн фоиз камайтирган суммада баҳолаб, ўзида олиб қолишга 
ҳақли, агар гаровга олувчи гаров нарсасини ўзида олиб қолиш 
ҳуқуқидан такрорий кимошди савдоси амалга ошмаган, деб эълон 

---