Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
248
Биринчи инстанция судининг 2017 йил 2 майдаги ҳал қилув 
қарори билан ариза тўлиқ қаноатлантирилган . МЧЖга нисбатан 
Солиқ кодекси 114-моддасининг учинчи қисмига асосан
14 790 160 сўм, Солиқ кодекси 119-моддасининг биринчи қисмига 
асо сан 4 493 250 сўм, жами 31 983 910 сўм (бу суммага 12 700 500 сўм 
қўшимча ягона солиқ тўлови ҳам қўшилган) молиявий жарима тайин-
ланиб, Солиқ кодекси 112-моддасининг тўртинчи қисмини қўллаган 
ҳолда узил-кесил 9 250 000 сўм молиявий жарима қўлланилган .
Ҳайъат 2017 йил 23 сентябрдаги қарори билан биринчи ин станция 
судининг ҳал қилув қарорини бекор қилиб, МЧЖга нисбатан Солиқ 
кодекси 114-моддасининг учинчи қисмига асосан 14 790 160 сўм, Солиқ 
кодекси 119-моддасининг биринчи қисмига асосан 4 493 250 сўм, 
жами 19 283 410 сўм молиявий жарима тайинлашни ва Солиқ кодекси 
112-моддасининг тўртинчи қисмини қўллаб узил-кесил 6 500 000 сўм 
молиявий жарима қўллашни ҳамда талабнинг 12 700 500 сўм қўшимча 
ҳисобланган ягона солиқ тўлови қисми бўйича иш юритишни тугатиш 
тўғрисида янги қарор қабул қилишни лозим топган .
Ҳайъат ДСИ томонидан текшириш натижалари бўйича қўшимча 
ҳисобланган 12 700 500 сўм ягона солиқ тўлови молиявий жарима 
ҳисобланмаслиги ва бу талаб иқтисодий судга тааллуқли бўлмаганлиги 
учун талабнинг бу қисми бўйича иш юритишни тугатишни лозим деб 
ҳисоблаган .
ХПк 15513-моддаси биринчи қисмининг олтинчи хатбошисига 
(ИПк 217-моддаси биринчи қисмининг олтинчи хатбошисига) 
мувофиқ молиявий жазо чораларини қўллаш, бундан солиқлар
ва бошқа мажбурий тўловлар тўлаш муддатини ўтказиб юборган-
лик учун пеня ҳисоблаб чиқариш, шунингдек ташкилот ёки фуқаро-
нинг содир этилган ҳуқуқбузарликдаги айбига иқрор бўлганлиги 
ва молиявий жазо чоралари суммаларини ихтиёрий равишда 
тўлаганлиги ҳоллари мустасно, ҳуқуқий таъсир чораларидан бири 
ҳисобланади .

---