|
Ж.Уразбоев
289
ИШЛАР БЎЙИЧА СУД ҲУЖЖАТЛАРИ НАМУНАЛАРИ
209-модда. Апелляция шикоятини (протестини)
иш юритишга қабул қилишни рад этиш
А Ж Р И М
(апелляция шикоятини иш юритишга қабул қилишни
рад этиш ҳақида)
2018 йил 10 май кун и __________ -сонли маъмурий иш ни___________
вилоят маъмурий судининг судьяси Ж.Уразбоев, аризачи "Қурувчи"
масъулияти чекланган жамиятининг жавобгар Ўзбекистон Республика-
си Ички ишлар вазирлиги Давлат йўл ҳаракати хавфсизлиги хизмати
органи__________ шаҳар бошқармаси мансабдор шахсининг хатти-
ҳаракатларини қонунга хилоф деб топиш тўғрисидаги шикоят аризаси
бўйича юритилган маъмурий иш юзасидан__________ туман маъмурий
судининг 2018 йил 10 апрелдаги ҳал қилув қарори устидан Ўзбекистон
Республикаси Ички ишлар вазирлиги Давлат йўл ҳаракати хавфсизлиги
хизмати органи__________ шаҳар бошқармаси томонидан берилган
апелляция шикояти ва унга илова қилинган ҳужжатларни ўрганиб
чиқиб,
А Н И Қ Л А Д И:
"Қурувчи" масъулияти чекланган жамияти (бундан буён матнда
аризачи деб юритилади) маъмурий судга ариза билан мурожаат қилиб,
Ўзбекистон Республикаси Ички ишлар вазирлиги Давлат йўл ҳаракати
хавфсизлиги хизмати органи __________ шаҳар бўлими (бундан буён
матнда жавобгар деб юритилади) мансабдор шахсининг унга тегишли
автотранспорт
воситасини
белгиланган
муддатларда
рўйхатдан
ўтказмасликдан иборат хатти-ҳаракатларини қонунга хилоф деб
топишнисўраган.
Биринчи инстанция судининг 2018 йил 10 апрелдаги ҳал қилув
қарори билан шикоят аризаси тўлиқ қаноатлантирилган. Жавобгар
зиммасига суднинг ҳал қилув қарори қонуний кучга кирган пайтдан
бошлаб 2 кунлик муддат ичида аризачига тегишли автотранспорт
воситасини давлат рўйхатидан ўтказиш мажбурияти юкланган.
Жавобгар ҳал қилув қарори устидан апелляция шикояти бериб, уни
бекор қилишни ва аризачининг шикоят аризасини қаноатлантиришни
рад этиш ҳақида янги қарор қабул қилишни сўраган.
Суд апелляция шикояти ва унга илова қилинган ҳужжатларни
ўрганиб чиқиб, қуйидагиларга кўра апелляция шикоятини қабул
қилишни рад этишни лозим топди.
Ўзбекистон Республикаси Маъмурий суд ишларини юритиш тўғри-
сидаги кодекси 203-моддасининг биринчи қисмига кўра, агар қонунда
бошқа муддат белгиланмаган бўлса, апелляция шикояти (протести) ҳал
қилув қарори қабул қилинган кундан эътиборан йигирма кун ичида
берилиши мумкин.
Бироқ ҳал қилув қарори устидан апелляция шикояти 2018 йил
30 апрелга қадар берилиши лозим бўлса-да, жавобгар ушбу муддатни
ўтказиб юборган ҳолда 2018 йил 8 май куни апелляция шикояти берган.
Апелляция шикоятига шикоят беришнинг ўтказиб юборилган
муддатини тиклаш ҳақида 2018 йил 8 майдаги 6-сонли илтимоснома
илова қилинган бўлиб, унда муддатнинг ўтказиб юборилишига
узрли сабаб сифатида мазкур ишда қатнашган жавобгар ходими
А.Равшановнинг 2018 йил 10 апрелдан 2018 йил 1 майгача меҳнат
таътилида бўлганлиги асос қилиб келтирилган.
Ўзбекистон Республикаси Маъмурий суд ишларини юритиш тўғ-
рисидаги кодекси 203-моддасининг иккинчи қисмига кўра апелляция
шикоятини (протестини) беришнинг ўтказиб юборилган муддати
шикоят (протест) берган шахснинг илтимосномаси бўйича апелляция
инстанцияси суди томонидан, агар илтимоснома ҳал қилув қарори
қабул қилинган кундан эътиборан икки ойдан кечиктирмасдан
берилган ва апелляция шикоятини (протестини) бериш муддати ўтказиб
юборилишининг сабаблари суд томонидан узрли деб топилган бўлса,
тикланиши мумкин.
Бироқ, ушбу ишда қатнашган жавобгар вакилининг меҳнат
таътилида бўлганлиги апелляция шикоятини бериш муддати узрли
сабабларга кўра ўтказиб юборилган деб бўлмайди. Чунки суд
қарорлари устидан шикоятни ташкилот ходими эмас, балки унинг
раҳбари имзолайди. Шунга кўра суд жавобгарнинг шикоят беришнинг
ўтказиб юборилган муддатини тиклаш ҳақидаги илтимосномасини рад
этишни лозим топади.
Ўзбекистон Республикаси Маъмурий суд ишларини юритиш тўғ-
рисидаги кодекси 209-моддаси биринчи қисмининг 4-бандига кўра
судья агар, апелляция шикоятини (протестини) беришнинг ўтказиб
юборилган муддатининг тикланиши рад этилган бўлса апелляция
шикоятини (протестини) иш юритишга қабул қилишни рад этади.
291
Мазкур ҳолатда жавобгарнинг апелляция шикоятини қабул қилиш
рад этилиши лозим.
Юқоридагилардан келиб чиқиб ва Ўзбекистон Республикаси
Маъмурий суд ишларини юритиш тўғрисидаги кодексининг 168, 169,
203 ва 209-моддаларини қўллаб, суд
А Ж Р И М Қ И Л Д И :
Ўзбекистон Республикаси Ички ишлар вазирлиги Давлат йўл
ҳаракати хавфсизлиги хизмати о р га н и __________ шаҳар бўлимининг
шикоят беришнинг ўтказиб юборилган муддатини тиклаш ҳақидаги
илтимосномаси рад этилсин.
Ўзбекистон Республикаси Ички ишлар вазирлиги Давлат йўл
ҳаракати хавфсизлиги хизмати о р га н и __________ шаҳар бўлимининг
апелляция шикоятини қабул қилиш рад этилсин.
Ажрим устидан 20 (йигирма) кун муддат ичида__________ вилоят
маъмурий суд и га ____________ туман маъмурий суди орқали кассация
шикояти берилиши (протест келтирилиши) мумкин.
Судья
Ж.Уразбоев
Do'stlaringiz bilan baham: |
