Cover page namunalar app curves cdr

90-модда. Суд топшириқлари
А Ж Р И М
(суд топшириғи тўғрисида)
2018 йил 17 апрель куни ____________ -сонли маъмурий ишни
__________ вилоят маъмурий суди ўз биносида,
судья З.Алимованинг раислигида,
Д.Сабированинг 
котиблигида, 
__________
вилоят 
прокурори
ёрдамчиси Ш.Гафуров, аризачи А.Аббасхўжаев, жавобгар вакили
А.Сотволдиев иштирокида, А.Аббасхўжаевнинг жавобгар __________
туман ҳокимининг 2018 йил 25 февралдаги Х-1015-сонли қарорини 
ҳақиқий эмас деб топиш ҳақидаги аризаси бўйича юритилаётган ишни 
очиқ суд мажлисида кўриб чиқиб, қуйидагиларни
А Н И Қ Л А Д И:
__________ туман ҳокимининг (бундан буён матнда жавобгар деб
юритилади) 2015 йил 1 февралдаги Х-1129-сонли қарори билан фуқаро 
А.Аббасхўжаевга (бундан буён матнда аризачи деб юритилади) уй-жой
қуриш уч ун _________тумани, Яшнар ҚФЙ, Замзам қишлоғидан 0,06 га ер
участкаси ажратиб берилган.
Кейинчалик_________тумани Ер ресурслари ва давлат кадастри
бўлимининг тақдимномасига асосан туман ҳокимининг 2018 йил 
25 февралдаги Х-1015-сонли қарори билан А.Аббасхўжаевнинг 
ер участкасига бўлган ҳуқуқи ер участкасидан уч йил мобайнида 
фойдаланмаганлиги асосида Ўзбекистон Республикаси Ер кодекси 
36-моддаси биринчи қисмининг 10-бандига асосан бекор қилиниб, ер 
участкаси туман ҳокимлиги захирасига қайтарилган.
Шундан кейин, аризачи судга ариза билан мурожаат қилиб, 
жавобгарнинг 2015 йил 25 февралдаги Х-1015-сонли қарорини ҳақиқий 
эмас деб топишни сўраган.
Суд мажлисида аризачи вакили жавобгарнинг қарори ноқонуний 
эканлиги, чунки унга ажратилган ер участкасига уй-жой қурилишини 2 
йил олдин бошлаб юборганлигини, ҳозирги кунда уни давом эттириш 
учун маблағи йўқлиги сабабли ички пардозлаш ишлари бажарилмай 
қолганлигини, унинг мазкур ишларни бажарганлигини ушбу ҳудудда 
яшовчи фуқаролар ҳам тасдиқлашини, бироқ уларни суд мажлисига
217

---

олиб келиш учун йўл харажатлари сарфланиши ва унга имкони 
йўқлиги сабабли гувоҳларнинг суд мажлисида иштирокини таъминлай 
олмаганлигини баён қилиб, аризани қаноатлантиришни сўради.
Жавобгар вакили аризани қаноатлантиришни рад этишни сўради.
Суд тарафлар вакилларининг тушунтиришларини тинглаб ва иш
ҳужжатларини муҳокама қилиб, қуйидаги асосларга кўра_________туман
маъмурий судига суд топшириғини юборишни лозим топди.
Ўзбекистон Республикаси Маъмурий суд ишларини юритиш тўғри- 
сидаги кодекси 90-моддасининг биринчи қисмига кўра ишни кўраётган 
суд бошқа туман ёки шаҳар ҳудудидаги далилларни олиш зарур бўлган 
тақдирда, тегишли судга муайян процессуал ҳаракатларни бажаришни 
топширишга ҳақли.
Мазкур ҳолатда аризачи унга уй-жой қуриш уч ун _________тумани,
Яшнар ҚФЙ, Замзам қишлоғидан ажратилган ер участкасига уй- 
жой қуриш ишларини бажарган ёки йўқлигини аниқлаш учун ер 
участкасини кўздан кечириш ва фотосуратга тушириш каби процессуал 
ҳаракатларни амалга ошириш талаб этилади.
Шу сабабли ишни тўлиқ ҳамда ҳар томонлама кўриш мақсадида
_________тумани, Яшнар ҚФЙ, Замзам қишлоғидан ажратилган ер
участкасига уй-жой қуриш ишларини бажарган ёки йўқлигини аниқлаш 
мақсадида ер участкасини кўздан кечириш ва фотосуратга тушириш
каби процессуал ҳаракатларни амалга ошириш бўйича_________туман
маъмурий судига суд топшириғини бериш лозим.
Юқоридагилардан келиб чиқиб ва Ўзбекистон Республикаси 
Маъмурий суд ишларини юритиш тўғрисидаги кодексининг 90, 168 ва 
169-моддаларини қўллаб, суд
А Ж Р И М Қ И Л Д И :
_________туман маъмурий судига _________тумани, Яшнар ҚФЙ,
Замзам қишлоғидаги А.Аббасхўжаевга ажратилган ер участкасида уй- 
жой қурилиши бошланган ёки йўқлигини аниқлаш учун ушбу участкани 
кўздан кечириш ва фотосуратга туширишдан иборат процессуал 
ҳаракатларни амалга ошириш топширилсин.
Суд топшириғининг ижроси юзасидан йиғилган барча материаллар 
________вилоят маъмурий судига юборилсин.
Судья
З.Алимова

---