Corning cable systems

қобиқларга эга. ташқи полиэтилен қобиғи иккита пўлат симлар билан қаттиқланган. бундай мухофазаланган кабеллар телефон канализациясида тортилаётган пайтда куч, асосан ташқи қобиқ ичидаги иккита симга тушади. кабеллар ўзаги бир модул тузилишида бўлиб, ҳамма толалар фторопластли найча ичида жойлашади.
Қўлланиш жойига қараб, улар универсал кабеллар бўлиб, бундай кабелларни шаҳарлараро алоқа тармоқларида ва шаҳар телефон тармоқларидаги АТСларни бир - бир билан боғловчи линияларда қўллаш мумкин.
6.2 - расмда A -D(ZM) (SR) 2Y 1X8E 9/125 0,38 F 3,5 + 0,23 H 18 русумдаги оптик толали алоқа кабелининг кўндаланг кесими юза конструкцияси келтирилган. Бунда Е 9/125 сериясидаги бир модали толалар (1) фторопластли термочидамли диаметри 5 ммли модулда (2) жойлашган. Марказий модул шойи толалар (3) билан ўралган бўлиб, гидрофоб тўлдиргич билан тўлдирилган. Ёстиқ вазифасини бажарувчи шойи иплар устига 0,15 мм қалинликдаги тўлқинсимон пўлат қобиқ (4) ва унинг устига иккита пўлат сим 6 билан мустахкамланган ташқи полиэтилен қобиқ (5) қопланган. кабелнинг ташқи диаметри 11 мм, ташқи қобиғи 3.0 мм қалинликдаги полиэтилен билан қопланган ва пўлат симлар диаметри 1.5 мм. кабелнинг оғирлиги 90 кг/км ташкил этади.

6.2 – расм A -D(ZM) (SR) 2Y 1X8E 9/125 0,38 F 3,5+0,23 H 18 русумдаги оптик кабел

A -D(ZM) (SR) 2Y 1X8E 9/125 0,38 F 3,5+0,23 H 18 оптик толали алоқа кабелидаги белгилар қуйидагиларни билдиради:

A - линияларда қўлланувчи кабел;
D - модули кўп толалар билан тўлдирилган;
(ZM) 2Y - полиэтилен қобиқли, қаттиқловчи металл элементли;
F – кабел ўзаги гидрофоб тўлдиргич билан тўлдирилган;
(SR) - тўлқинсимон пўлат қобиқ;
1 - модул сони;
8 - модулдаги толалар сони;
E – шиша/шишадан иборат бўлган бир модали тола;
9 - ўзак диаметри;
125 - тола қобиқ диаметри, мкм;
0.36 - сўниш коэффициенти, дБ/км;
F - 1.3 мкм тўлқин узунлиги;
3.5 - импульснинг кенгайиши (дисперсия ҳисобига), пс/(нм х км);
0.22 - сўниш коэффициенти, дБ/км;
H - 1.55 мкм тўлқин узунлиги;
18 - импульсининг кенгайиши ҳисобига ҳосил бўлувчи дисперсия, пс/(нм х км);
кабелнинг минимал эгилиш радиуси 300 мм. Кабелни чўзилишдаги кучланиши 2500 H (250кГс) чидаши керак. Ишлатилиш ҳарорати -20⁰ С дан +60⁰ С, қурилиш узунлиги эса 2000 метрни ташкил этади.