Conference proceedings

NƏBZ DALĞASININ YAYILMA SÜRƏTİNİN VƏ DİGƏR 
PARAMETRLƏRİNİN TƏYİN EDİLMƏSİ 
Azərbaycan Dövlət Neft və Sənaye Universiteti, Bakı, Azərbaycan 
[e-mail]
 
Xülasə
– Ürək-damar sistemi xəstəliklərinin dünya əhalisi arasında ölüm və 
əlilliyin əsas səbəbləri olduğu heç kimə sirr deyil. Ancaq bir çox insan ürək-damar sistemində miyokard infarktı və ya insult meydana 
gələnə qədər hər hansı bir problemi olduğunu belə bilmir. Ürək-damar sitemində hər hansısa problemin olduğunu müəyyən etmək üçün 
ilk növbədə damar divarının vəziyyətini aydınlaşdırmaq lazımdır. Başqa sözlə desək, insanlarda "sərt və ya elastik" damarları təyin 
etmək lazımdır. Damarların sərtlik dərəcəsini təyin etdikdən sonra ürək-damar sisteminin vəziyyəti barədə dərhal bir nəticə çıxara 
bilərik. Ürək-damar sisteminin diaqnozu üçün ən perspektivli metodlardan biri arterial qanın nəbz dalğasının analizinə əsaslanan 
metoddur.
Nəbz dalğası - sistol zamanı ürəyin sol mədəcikindən qan çıxması nəticəsində yaranan arteriyalar vasitəsilə yayılan artan 
təzyiq dalğasıdır. Nəbz dalğası aortadan kapilyarlara yayılaraq aktivləşir. Aorta əsas qan damarı olduğundan, aorta nəbzi dalğasının 
sürəti xəstələri müayinə edərkən ən çox tibbi maraq kəsb edir. Qan damarlarının divarları boyunca nəbz dalğasının ortaya çıxması və 
yayılması aorta divarının elastikliyindən qaynaqlanır.