Conference proceedings

ŞİFRƏLİ ŞƏKİL VƏ KRİPTOQRAFİYA VASİTƏSİLƏ MƏLUMATLARIN 
ŞİFRƏLƏNMƏSİ 
Azərbaycan Dövlət Neft və Sənaye Universiteti, Bakı, Azərbaycan 
Tel: [phone], Email: 
[e-mail]
Xülasə.
Kəşfiyyat, hərbi, tibb və digər sahələrdə istifadə olunan məlumatların qorunması günümüzdə 
çox vacibdir. Məlumatlar sıxılma və şifrələnmə yolu ilə gizlədilə bilər. Bu yazıda Homomorfik şifrələmə alqoritmi və atribut əsaslı 
şifrələmə alqoritminin istifadə olunduğu bir kriptoqrafiya metodu təklif edirik. Şifrələmə, icazəsi olmayan istifadəçilər üçün 
məlumatların kodlanma prosesidir. Bunun nəticəsində məlumatlar həmin istifadəçilər üçün əlçatmaz olur. Homomorfik alqoritm 
məlumatların şifrələnmiş mətnə çevrilməsinə kömək edir. Həm də şifrələnmiş məlumatlar üzərində kompleks riyazi əməliyyatların 
aparılmasına imkan verir. Bu şifrələmə metodunda, həm məlumatı göndərən həm də məlumatı qəbul edən eyni açardan istifadə edir. 
Atribut əsaslı şifrələmə alqoritmi asimmetrik şifrələmə növüdür. Bu alqoritmdə istifadəçinin gizli açarı və şifrələnmiş mətn 
atributlardan (məsələn, yaşadıqları ölkədən və ya abunə növündən) asılı olur. Bu isə məlumatın gizliliyini və yüksək səviyyədə 
təhlükəsizliyini təmin edir[1].