Conference Paper

Содиқов Н.А., Қодиров Т.Ж. 
Тошкент тўқимачилик ва енгил саноат институти 
Республикамизда ишлаб чиқариш жараёнларини оптималлаштириш, замонавий 
маҳсулотлар ишлаб чиқариш ҳамда чиқиндисиз технологияларни яратиш борасида 
жуда катта ишлар амалга оширилмоқда. Шулар жумладан кўнчилик саноати ҳам 
алоҳида ўрин тутади. 
Бугунги кунда чарм ишлаб чиқариш корхоналарида 98% дан ортиқ ошловчи ва 
тўлдирувчи кимёвий моддалар четдан, яъни импорт асосида кўнчилик саноатида 
қўллаш мақсадида олиб келинади. Бу эса ўз навбатида ишлаб чиқариладиган чарм 
маҳсулотларининг тан-нархининг ошишига асосий омил ҳисобланади. 
Чарм саноатида териларни ошлаш учун хром (Сr
2
О
3
) ошловчи бирикмалар бугунги 
кунда кенг қўлланилиб келинмоқда. Бу ошловчи бирикма токсик кимёвий материаллар 
хисобланиб, кўнчилик саноатида экологик муаммоларни келтириб чиқаради [1].
Чарм ишлаб чиқариш корхоналарида экологик муаммоларни ҳал қилиш ва 
маҳсулот тан – нархини пасайтириш мақсадида, териларни ошлаш, тўлдириш 
жараёнларида маҳаллий хом–ашёларнинг чиқиндиларидан самарали фойдаланилган 
ҳолда функционал-фаол бирикмалар билан ишлов бериш бугунги куннинг энг 
асосий долзарб масалаларидан бири хисобланади [3-4].
Мазкур тадқиқотда ғўзапоя таркибидан гидролизлаш орқали олинган таннид 
экстракцияси билан териларни ошлаш жараёни тадқиқ қилинган. 
Ғўзапоя таркибидан олинган таннид экстракти билан ЙШМ (йирик шоҳли қорамол 
териси) териларни ошлаш жараёни амалга ошириш мақсадида танлаб олинди. 
Ошлаш жараёнини амалга ошириш мақсади териларни дастлабки ишлаш, ивитиш-
куллаш, ошлаш олди жараёнлари амалга оширилди. Ғўзапоя таннид экстракти билан 
териларни ошлаш, пикеллаш жараёнидан кейин амалга оширилади.
Териларни ғўзапоя таннид экстракти билан ошлаш мақсадида 120 дона умумий 
массаси 3000 кг бўлган пикелланган терилар барабанга юклангандан сўнг, SК = 0,8 – 
1,0 ва 27-30 ҳароратда барабанга сув қўйилади, сўнгра pH 3,5 – 4 бўлгунча чумоли 
кислотасининг эритилган концентрацияси қўйилиб терилар ошлаш жараёнига 
тайёрланди. Ошлаш жараёнида ошловчиларининг миқдори тери массасига нисбатан 6% 
ни ташкил қилди ва бунда 7-9 соат давомида терилар ошланди ва гўзапояси таркибидан 
олинган таннид экстракти заррачаларининг молекулалари коллаген структура 
элементларининг ташқи сирти билан реакцияга киришиб, улар орасида кўндаланг 
боғлар ҳосил қилади. Бу боғлар коллаген структураларини бир-бирига мустаҳкамлаб, 
уларни чокланишга олиб келади. 
Ошлашга тери тўқимасининг ҳўлланганлик даражаси ҳам таъсир кўрсатади. 
Одатда тери тўқимасининг бўккан ҳолатида ошловчилар секин жойлашади. Яъни 
таннидлар ҳўлланган тери тўқимасига аста-секин диффузияланади. Аммоний сульфат 
билан сувсизлантирилган дермага таннидларнинг диффузияли юқори бўлади [2,4].
Ғўзапоя таннид экстракти билан ошлаш жараёни якунланганлигини текшириш 
мақсадида чармнинг ошланганлигини (ошлов сонини) билан аниқланди. Бу кўрсаткич 
қайнатишдан олдин ва кейин унинг бошланғич қийматига нисбатланган ва 100 га 
кўпайтирилган намуна майдони орасидаги фарқ сифатида аниқланди, бу киришиш 
даражасини кўрсатади, % ҳарорати билан тадқиқ қилинди [3]. 

---

Техник ва технологик фанлар со
ҳ
аларининг инновацион масалалари. ТДТУ ТФ 2020 
168 
Чармнинг ошланганлиги 86 % дан юқори бўлгандан сўнг, гидротермик 
деструкцияланиш ҳарорати 93 
етганда жараённи якунлаш мақсадида 
концентрацияси 120г/л га тен бўлган кальцийланган сода (Na
2
CO
3
) билан нейтраллаш 
жараёни амалга оширилди. 
Нейтралаш жараёнидан сўнг ошловчи таннид экстракти чармнинг ички структур 
элементлари билан тўлиқ боғланиши ва кўндаланг боғларнинг мустахкамланишини 
таъминлаш мақсадида ошланган чармлар 5 сутка давомида тахмонларга ётқизиб 
қуйилди. 
Сифатли чарм маҳсулотлари олиш мақсадида ғўзапоя таркибидан гидролиз 
усулида ажратиб олинган таннид экстрактини, чарм ишлаб чиқариш корхонасида 
териларни ошлаш технологик жараёнида қўллаш кўнчилик саноатида экологик хафсиз 
ҳисобланади. Ошловчи бирикмалар маҳаллий хомашёларнинг чиқиндиларидан 
олинган ва импорт асосида олиб келинган ошловчиларнинг ўрнини тўла боса олиши
билан маҳсулот тан – нархининг пасайишига асосий сабаб бўлади. Таннид 
экстракти билан ишлов берилган чармлар механик ва гигиеник талабларга тўла жавоб 
беради.