Communication and information agency of uzbekistan tashkent information technologies

Фаннинг ўқув режадаги бошқа фанлар билан ўзаро боғлиқлиги ва услубий жихатдан узвий кетма-кетлиги

Рақамли коммутация тизимлари фани асосий ихтисослик фани ҳисобланиб, 5 ва 6 - семестрларда ўқитилади. Дастурни амалга ошириш ўқув режасида режалаштирилган математик ва табиий (олий математика, физика), умумкасбий (электр занжирлари назарияси, электроника ва схемотехника, электромагнит майдонлар ва тулқинлар, рақамли қурилмалар ва микропроцессорлар, алоқа қурилмаларининг электр таъминоти, радио релейли ва йўлдошли алоқа тизимлари ва ахборот тақсимоти назарияси) фанларидан етарли билим ва кўникмаларга эга бўлишини талаб этилади.

Фаннинг ишлаб чиқаришдаги ўрни

Жамиятни ва инсоният ҳаётини ахборот алмашинувисиз таъсаввур этиб бўлмайди. Ахборот алмашуви электр алоқа тармоқлари орқали амалга оширилади. Электр алоқа тармоқларининг янги авлоди рақамли коммутация тизимлари асосида қурилади. Шунинг учун бу фан асосий ихтисослик фани ҳисобланиб, телекоммуникация тармоқининг ажралмас бўғинидир.

Фанни ўқитишда замонавий ахборот ва
педагогик технологиялар

Талабаларнинг рақамли коммутация тизимлари фанини ўзлаштиришлари учун ўқитишнинг илғор ва замонавий усулларидан фойдаланиш, янги ахборот технологияларини ўқув жараёнига тадбиқ этиш муҳим ахамиятга эгадир. Фанни ўзлаштиришда дарслик, ўқув ва услубий қўлланмалар, маъруза матни, электрон материаллар, виртуал лаборатория ва амалий машғулотлар, ҳамда ишчи холатдаги S-12 тизими ўқув қурилмадан фойдаланилади.

Асосий қисм


Фаннинг назарий машғулотлари мазмуни

Коммутация техникасининг эвалюцияси. Ахборот узатиш усулларининг ривожланиш тарихи. рақамли коммутация тизимини афзаллик ва нуқсонлари. Аналог сигнални рақамли сигналга айлантириш. рақамли коммутация тизими тузилиши, таркибий қисми уларнинг қурилиш тамойиллари, ишлаш жараёнлари. Рақамли коммутация тизимининг дастурий таъминоти. Электралоқа тармоқлари сохасидаги Республикамиздаги ижтимоий ислохатлар натижалари ва илм – фан, техника ва технология ютуқлари. Фаннинг вазифалари.