Communication and information agency of uzbekistan tashkent information technologies

5.5-расм.
6. Рақамли коммутация тамойили

Энг аввало шуни таъкидлаш лозимки, рақамли коммутация майдонлари доимо каналларни вақт бўйича бўлиш тамойили асосида қурилади. Каналларни вақт бўйича бўлиш техникаси шу билан характерланадики, унда вақт бўйича танловларнинг бир неча кетма-кетлиги даврга бирлаштирилади ва узатиш каналига юборилади. Ҳар бир танлов учун даврда маълум вақт позицияси ажратилади. Шундан келиб чиқиб рақамли коммутация тизимида коммутация майдонининг асосий функциясини аниқлаш мумкин. У бирон-бир қабулдаги зичлаштирилган линиядаги вақт позициясининг зичлаштирилган узатиш линиясидаги бошқа вақт позициясига коммутациялашдан иборатдир. Коммутациялашнинг бундай жараёни вақт позициясининг алмашинувини ҳамда зичлаштирилган линия алмашинувини талаб қилади. Шунинг учун рақамли коммутация аппаратурасида икки турли хил коммутация босқичлари мавжуд:

• 
  зичлаштирилган линияни алмашинувсиз вақтли ҳолатларини алмаштириш учун коммутация босқичлари (вақтли босқич ёки В босқич);
  
• 
  вақтли ҳолатларни ўзгартирмай зичлаштирилган линияларнинг алмашинуви учун коммутация босқичи (фазовий босқич ёки Ф босқич).
  

Фазовий ва вақтли босқичларнинг рақамли коммутация майдонидаги бирикмаси, яъни уларнинг гуруҳ ташкил этиши, назарий жиҳатдан мазкур коммутация тизимининг параметрларини белгилайди.

а) Соддалаштирилган схемаси

б) мисол
6.1-расм. Рақамли коммутация майдонларининг гуруҳ ташкил этиш.

а) соддалаштирилган схема, б) мисол

Тизимнинг тузилмасида батафсил тўхталмай, рақамли коммутация аппаратуранинг бир неча муҳим аломатларини аниқлаш мумкин. Коммутацияда узатишнинг иккала йўналиши алоҳида зичлаштирилган линияларни ишлатишини ҳисобга олиш (кўзда тутиш) керак. Шу боисдан коммутацияни ёки иккита иккисимлик, ёки битта тўртсимлик линиялар бўйича амалга ошириш мумкин. Биринчи ҳолда узатишнинг ҳар бир йўналишини алоҳида коммутацияланади, иккинчи ҳолда эса узатишнинг иккала йўналиши умумий тракт бўйича ўтади.

Коммутация майдонини ишлатилишига боғлиқ ҳолда бир томонлама ва икки томонлама майдонларга ажратиш мумкин. Ва ниҳоят, гуруҳ ташкил этилиши турига қараб коммутация майдонларини биртомонлама ва икки томонлама бўлиш мумкин.
Иккитомонлама майдон вариантида биз кейинроқ тўхталамиз.
Иккитамонлама аппаратура коммутация тизимнинг иккала тарафига зичлаштирилган линияларнинг уланиши билан характерланади, ташқи уланишлар мавжудлиги туфайли иккитамонлама амалдаги тизим ташкил этилиши мумкин. Бир томонлама аппаратурада қарши ўлароқ четдан уланадиган зичлаштирилган линиялар комутацион тизимнинг фақат бир томонга жойлашган бўлади.
Рақамли АТСларнинг коммутация майдонларида қуйидагилар ишлатилиши мумкин:

• 
  Фақат фазовий коммутация.
  
• 
  Фақат вақт коммутация.
  
• 
  «Фазо – вақт» коммутация.
  
• 
  «Вақт - фазо» коммутация.
  
• 
  «Фазо – вақт - фазо» коммутация.
  
• 
  «Вақт – фазо - вақт» туридаги коммутация.
  
• 
  Фазовий ва вақт комутациясининг янала муракаб комбинациялари мавжуд.
  

Шулардан баъзиларини кўриб чиқамиз.