Communication and information agency of uzbekistan tashkent information technologies

Частоталар бўлагини кенгайтириш

Нутқ сигналини рақамли кўринишга келтиришда частоталар бўлагини кенгайтириш зарурияти туғилади, кенгайтириш бевосита ишлатилаётган код ёки модуляция турига боғлиқ. Модуляция (демодуляция) ускунасини катта даражада мураккаблашишига йўл қўйиб берилган частоталар бўлагининг кенглигида иккилик тимсоллари узатишни катта тезлигини таъминлаш мумкин. Бироқ, узатишнинг чекланган қувватида қабул қилгичда дискрет сигналлар даражалари ўртасидаги масофа жуда камайиб кетади. Шундай қилиб узатилаётган сигнал шовқинларга ва бошқа ҳалакит берувчи таъсирларга турғунлигини йукотади, чунки энди у паст ахборот зичликка эга.

Аналог – рақамли ўзгартириш

Рақамли тизимда бажариладиган ўзгартиришлар нархи рақамли тизим электрон ускунасининг умумий нархини сезиларли қисмини ташкил этади, шуни таъкидлаш лозимки, ҳозирги вақтда ишлатилаётган рақамли тизимлар, кўпроқ ҳолларда аналогли тизимлар билан ўралган. Шунинг учун ўзгартиришларга сарфланган ҳаражатлар бошқа ускунани ишлатганда иқтисод қилинадиган ҳаражатлардан кўп бўлиб чиқди.

Алоқа тармоғини рақамли тармоққа ўзгартирилган сари нутқни ўзгартиришга бўлган эҳтиёж камая боради ва шу билан бирга аналог – рақамли ўзгартиришга кетадиган ҳаражатлар ҳам камаяди.


Вақт бўйича синхронлашнинг зарурияти

Битта трактдан иккинчисига рақамли ахборотни узатишда синхронлашга зарурият туғилади, ёки узатиш жараёнини бошқариш учун вақт бўйича мослашувликни таъминлаш лозим бўлади. Синхронлаш сигналнинг қандай қиймати узатилганлигини ҳал қилиш учун, келаётган сигнални санаб чиқиш керак бўлган вақт онларини аниқлайди. Қайд қилишнинг оптимал онларини олиш одатда узатилаётган импульсларнинг ўртасига тўғри келади.

Мавжуд аналог қурилмаларга мослашмаслиги

Хусусий телефон тармоқларида ёки умумий фойдаланиш тармоқларида ишлатилаётган рақамли ускуна, албатта тармоқнинг қолган қисми билан стандарт аналогли туташувни таъминлайди. Баъзида бундай туташувларнинг қисматига рақамли тизимга кетадиган асосий ҳаражатлар тўғри келади. Энг аввал бундай вазият рақамли четки станцияларда юз беради.