Цитология эмбриология проф. Қ. Р. Тўхтаев таҳрири остида

 
МАЙДАЛАНИШ 
Майдаланиш – бу зиготанинг кетма-кет митотик йўл билан майда 
бластомерларга (blastos-куртак, meros-қисм) бўлинишидир. Майдаланиш 
одатдаги ҳужайра циклидан G
1
ва G
2
босқичлари йўқлиги ва ДНК синтези 
содир бўладиган жуда қисқа синтетик S-фазаси билан фарқланади. Шу 
туфайли майдаланишда бластомерлар ўсмайди. Майдаланишнинг 
бўлинишлари орасидаги интервал тахминан 12-24 соат. Майдаланиш пайтида 
ҳужайралар ўлчами кичраяди, шу сабабли бластоцистанинг (концептуснинг) 
диаметри 100 мкмдан ошмайди. Бластоциста босқичида майдаланиш 
тўхтайди ва ҳужайралар оддий ҳужайра циклини тиклайди. 

---

802 
Расм 20.5. Одам зиготасининг майдаланиши (схема). А – 2 ҳужайра 
босқичи; Б – 4 ҳужайра босқичи; В – 8 ҳужайра босқичи; Г – морула; Д, Е – 
бластоциста. 
Одамда тўлиқ асинхрон, нотекис майдаланиш юз беради. Биринчи бўлиниш 
уруғланишдан чамаси 30 соатлардан сўнг бўлади. Натижада иккита: майда 
―оқиш‖ ва йирик ―қорамтир‖ бластомерлар ҳосил бўлади (расм 20.5). Оқиш 
бластомерлар – 
трофобластлар
, қорамтирлари – 
эмбриобластлар
дейилади. 
Оқиш бластомерлар тезроқ бўлинадилар ва улардан эмбрионни
озиқлантирувчи трофобластлар, қорамтир бластомерлардан эса эмбрион ва 
унинг муваққат аъзолари куртакларини берувчи эмбриобластлар ҳосил 
бўлади. Бластомерларнинг сони ортиб бориши билан концептус бачадон 
найи бўйлаб ҳаракат қилади ва учинчи кунига келиб морула босқичига ўтади. 
Морула – майдаланишнинг бир неча бўлинишларидан ҳосил бўлган 

---

803 
ҳужайралар гуруҳи бўлиб, уруғланиш қобиғи (собиқ ялтироқ қават) ичида 
жойлашган. 
Моруланинг 
марказида 
жойлашган 
эмбриобластлар 
тирқишсимон контактлар ҳосил қилади. Айнан мана шу ҳужайралардан 
эмбрион танаси ривожланади. Моруланинг периферик ҳужайралари - 
трофобластлар зич контактлар билан боғланган бўлиб улар морула ички 
муҳитини ажратиб турувчи тўсиқни ҳосил қилади. Бластоциста 
уруғланишдан кейинги тўртинчи кунида морулада бластоцел (суюқлик билан 
тўлган бўшлиқ) пайдо бўлиши билан ҳосил бўлади. Бластоцелнинг ҳажми 
ортиб боради ва концептус пуфак (бластоциста) шаклини олади. 
Бластоцистани ташқи трофобластлар ва эмбриобластлардан иборат ички 
ҳужайралар массаси ташкил қилади.
Уруғланишнинг 4 – 5 кунларида 7-12 бластомерлардан иборат
бластоциста бачадон найидан ўтиб, бачадонга тушади. Бачадонда 
бластоциста эркин ҳолда тахминан 2 суткагача бўлади. Бу даврда трофобласт 
ва эмбриобластлар кўпайиши ҳамда бачадон шиллиқ секретини сўриб олиши 
ҳисобига бластоциста катталашади. Ундаги бластомерлар сони 100 дан ошиб 
кетади. Бластоциста деворини трофобластлар ташкил этади, эмбриобластлар 
эса бластоцистанинг қутбида тўпланиб, ички эмбрионал массани ѐки 
эмбрион тугунини
ҳосил қилади. Трофобластлар ишлаб чиқарган гидролитик 
ферментлар ва бачадон шиллиғи бластоцистани ўраб турган уруғланиш 
қобиғини емириб, эритиб юборади. Бу қобиқдан халос бўлган бластоциста 
ҳужайралари энди майдаланмай, балки одатдаги митоз йўли билан 
кўпайишни бошлайди. Уруғланишнинг 7 куни бластоцистада имплантация 
учун тайѐргарлик кетади: эмбрион тугуни яссилашиб, эмбрион дискига 
(қалқончасига) айланади.