«Chorvachilikni mexanizatsiyalash» fanidan ta’lim texnologiyasi oliy ta’lim muassasalarida ma’ruza, amaliyva laboratoriya mashg’ulotlarida yangi texnologiyalarni qo’llash qonun-qoidalariga tayangan holda ishlab chiqilgan

KIRISh
«Chorvachilikni mexanizatsiyalash» fanidan ta’lim texnologiyasi oliy ta’lim muassasalarida ma’ruza, amaliyva laboratoriya mashg’ulotlarida yangi texnologiyalarni qo’llash qonun-qoidalariga tayangan holda ishlab chiqilgan.
Chorvachilik mahsulotlari kishilarning kundalik xayotida juda katta ahamiyatga ega, lekin hozirgi paytda Respublikamiz aholisini chor­vachilik mahsulotlari bilan ta’minlash talab darajasida emas.
Mulkka bo’lgan munosabatlarning o’zgarishi har-xil mulkchilikga asoslangan nodavlat xo’jaliklarning shakllanishiga asos bo’ldi. Respublikamizda fermer va dehqon xo’jaliklarining vujudga kelishi tufayli so’ngti yillarda aholini chorvachilik mahsulotlari (go’sht, sut, tuxum va hokazo) bilan ta’minlash borasida birmuncha ijobiy natijalarga erishildi.
Ta’kidlash lozimki, qishloq xo’jaligi ishlab chiqarishining yangi shakli tashkiliy, texnologik, texnik, qurilish va iqtisodiy muammolarga bozor iqtisodiyoti qonunlarini hisobga olgan holda yondoshishni talab qilmoqda. Bu masalalarni hal etishda birinchi navbatda malakali mutaxassislar tayyorlashzarur. Ulardanbozor iqtisodiyoti qonunlarini yaxshitushunishlari, chorvachilikdagi ishlab chiqarish jarayonlarini bilishlari, zamonaviy texnika va texnologiyalarni ishlab chiqarishga tadbiq etishlari talab etiladi.
Ma’ruzalar to’plamida chorvachilik fermalari, komplekslari, fer­mer xo’jaliklaridagi fermalarning tuzilishi; chorvachilik xonalarida mikroiqlimni tashkil qilish; ozuqalarni tayyorlash, yuklash va tarqatish jarayonlarini mexanizatsiyalash; go’nglarni yig’ishtirish, saqlash va qayta ishlash jarayonlarini mexanizatsiyalash; sigirlarni sog’ish, sutga ishlov berish va qayta ishlashni mexanizatsiyalash; qo’ylarning junini olish va cho’miltirish ishlarini mexanizatsiyalash masalalari yoritilgan.
Ma’ruzalar to’plamini yozishda Respublikamiz sharoitidan kelib chiqib, oliy o’quv yurtlarining 5630100 — Qishloq xo’jaligini mexanizatsiyalashtirish va 5140900 — Kasb ta’limi (Qishloq xo’jaligini mexanizatsiyalashtirish) yo’nalishlari bakalavrlari dasturlariga va qator yillar davomida chorvachilikni mexanizatsiyalash sohasida jamlangan nazariy va amaliy bilimlarga asoslanilgan.