Cho‘kayotgan kishiga qanday yordam berish mumkin?

Cho‘kkanda birinchi yordam ko‘rsatish
2. Ko‘k asfiksiya: o‘pkaga suv tushishi natijasida nafas olish to‘xtaydi.
Cho‘kkanda juda tez yordam ko‘rsatilishi zarur. Chuchuk suvda cho‘kkanda, suv alveolalar devori orqali tez sizib o‘tib, qon oqimiga qo‘shilib ketadi, oqibatda qonning kimyoviy tarkibi keskin o‘zgarib, u suyuladi, yeritrotsitlar yemiriladi va yendi ular kislorod tashiy olmaydi, o‘tkir kislorod yetishmovchiligi – gipoksiya boshlanadi. Qon plazmasi tarkibiga o‘xshash, lekin tuzlar bilan yanada ko‘proq to‘yingan dengiz suvi alveolalar devoridan sizib o‘tmaydi.
Aksincha, o‘pkaga tushgan dengiz suvi qon plazmasini qon oqimidan chiqib, alveolalar bo‘shlig‘iga o‘tishga majbur qiladi. Suv plazma va havo qoldiqlari bilan birga ko‘pik hosil qiladi, o‘pka shisha boshlaydi. Bunda alveolalarning devorlari shikastlanadi, qon aylanishi va havo almashinuvi buziladi. Bularning bari bir necha o‘n sekund orasida yuz beradi. Keyinroq odamning yuragi faoliyati to‘xtaydi va agar 4-5 daqiqadan so‘ng yordam ko‘rsatilmasa, u o‘lishi mumkin.