Chet tili (ingliz) fanidan

Chet tilini amaliy o‘rganishga qo‘yiladigan talablar 
O‘quvchilarga nutq faoliyatining turlari – tinglab tushunish, gapirish, o‘qish, 
yozuvni  hamda  til  materiali  –  leksika,  grammatika,  talaffuzni  o‘rgatish  natijasida 
ularning  chet  tilida  kommunikativ  (axborot  almashish)  kompetensiyasi 
shakllantiriladi. 
8-sinf (A2/A2+/2) 
Tinglab tushunish 
A2 
– tabiiy sharoitdagi nutq xususiyatlari (ikkilanish, gapni boshlashda 
qo‘llaniladigan chet tilidagi “xo‘p, yaxshi, demak“ kirish so‘zlari va h.k.) ishtirok 
etgan dialog va monologlarni tinglab tushuna olish; 
– bayram va urf-odatlar, atrof-muhit muammolari, ommaviy axborot 
vositalari kabi mavzulardagi matnlarni tinglab tushunish; 
– matnni tinglab, asosiy mazmunini tushuna olish; 
– kerakli ma’lumotni matndan ajratib olish uchun tinglash; 
– kam miqdordagi notanish so‘zlarni o‘z ichiga olgan matnlarni tinglab 
tushuna olish; 
– o‘tgan, hozirgi va kelasi zamondagi voqealar tasvirlangan hikoyalar 
mazmunini tinglab tushuna olish; 
– matn asosiy g‘oyasini gapirib berish uchun tinglab tushunish. 
A2+ 
– audiomaterial asosida bayon yoza olish; 
– matnni tinglab, aniq ma’lumotni tushuna olish; 
 

---