C diskidagi Users papkasidagi foydalanuvchi papkalarini d diskiga mohirona o‘tkazish haqida

C diskidagi Users papkasidagi foydalanuvchi papkalarini D diskiga mohirona o‘tkazish haqida

@ict_loverMay 11, 2018

Microsoft Windows 8 - Windows 8.1 yoki Windows 10 operatsion tizimini o‘rnatganimizdan so‘ng Этот компьютер oynasini ochgan paytimizda quyidagi papkalarga duch kelamiz:

Ushbu 6 ta papkalar tarkibida saqlab boradigan ma’lumotlarimiz kompyuterimizning C diskiga joylashadi.

Odatda Qattiq disk (Vinchester, HDD)ni qismlarga bo‘lgan paytimizda C, D va ba’zi holatlarda (Qattiq diskning hajmiga qarab), E va hokazo disklarga ajratamiz. Ko‘pincha C diski uchun eng kam hajm ajratiladi (40 Gb dan 100 Gb gacha).

Ko‘pchilik foydalanuvchilarda ma’lumotni Desktop (Ish stoli, Рабочий стол)da saqlash odati bor, shu bilan birgalikda har xil matn, jadval, taqdimot, grafik muharrirlari orqali yaratiladigan fayllarni saqlashda C diskidagi Users (Пользователи) papkasida joylashgan joriy foydalanuvchi, masalan IT spec papkasidagi Documents (Документы) va Pictures (Изображения) singari papkalar qoida bo‘yicha (По умолчанию) o‘rnatilgan. Bundan tashqari Downloads (Загрузки) papkasi tarkibidagi (agar Internet Download Manager (IDM) kabi Internet tarmog‘idan fayllarni yuklash uchun maxsus dastur o‘rnatilgan bo‘lsa) Compressed (Сжатые), Documents (Документы), Music (Музыка), Programs (Программы), Video (Видео) papkalarida ma’lumot asta-sekin yig‘ilib boradi.

Foydalanuvchi C diskining “qizarib”, hajmi qisqarib borayotganini kuzatganidan so‘ng ushbu papkalarni ochib, kerakli ma’lumotlarni D diskida o‘zi yaratgan maxsus papkalarga ko‘chirib (Перемещение) o‘tkazadi, agar ushbu ma’lumotlar keraksiz bo‘lsa, ya’ni fayllar u uchun avvalgiday dolzarb bo‘lmasa, o‘chirib (Удалить) chiqadi va bu jarayon uning ko‘p vaqtini oladi. Endi foydalanuvchining kompyuterdan intensiv foydalanishiga qarab, har hafta yoki oyda bir ushbu jarayonni qayta amalga oshirishini faraz qilib ko‘ring.

Kompyuterdan kimdir oqilona foydalanadi, ya’ni Antivirus dasturini o‘rnatib, muntazam ravishda uning bazasini yangilab boradi, ulangan saqlash qurilmalari (ko‘pincha har xil hajmdagi USB fleshkalar)ni ulab, Проводник (Мой компьютер) oynasida virusga tekshirib, so‘ng ochadi yana kimdir esa bilvosita yoki bevosita bunga e’tiborsizlik bilan qaraydi. Shunga ko‘ra ma’lum bir muddatdan so‘ng o‘z-o‘zidan operatsion tizimni qayta o‘rtanishga ehtiyoj paydo bo‘ladi.

Yana barcha fayllarni yuqorida keltirilgan 6 ta papkadan D diskida, masalan, Eski Windows nomli papka yaratib, to‘liq ko‘chirish (Перемещение) muammosi paydo bo‘ladi.

Endi bu muammoni oqilona yechish masalasiga keladigan bo‘lsak. Avvalambor quyida keltirilgan qadamlarni amalga oshirishdan avval kompyuteringizda ishga tushirilgan dasturlardagi ma’lumotlaringizni saqlab, yopib qo‘ying. Imkon qadar kompyuter biror ish bilan band bo‘lmasin.