Byudjet tizimining huquqiy asoslari

Davlat byudjeti loyihasini O’zbekiston Respublikasi Oliy Majlisga taqdim etilishi:
O’zbekiston Respublikasi Moliya vazirligi vakolati bilan birgalikda birinchi oktyabrgacha O’zbekiston Respublikasi Vazirlar Mahkamasiga byudjet loyihasini taqdim etadi. Byudjet loyihasi tarkibiga kuyidagilar kiradi:

1. 
   Davlat byudjeti loyihasi tuzilgan o’rta asosiy makroiqtisodiy ko’rsatichlar;
   
2. 
   O’zbekiston Respublikasi hukumatining byudjet siyosatining asosiy yo’nalishlari;
   
3. 
   O’tgan yilgi va joriy yilning birinchi yarim yilida byudjetning bajarilishi bo’yicha hisobot;
   
4. 
   Harakatdagi klassifikatsion tizimga ko’ra keyingi yil uchun daromad va xarajatlar prognozi;
   
5. 
   Makroiqtisodiy tahlil natijalariga asoslangan keyingi moliya yili uchun tuzilgan byudjet daromadlari va xarajatlari prognoziga kommentariy;
   
6. 
   Harakatdagi va tasdiq uchun taqdim etilayotgan byudjet programmasining ro’yxati;
   
7. 
   Joriy investitsiyalar uchun kapital quyilmalarning prognozi;
   
8. 
   Davlatning tashqi va ichki qarzlarining holati va bular buyicha o’tgan moliya yilidagi mablag’lar harakati;
   
9. 
   Davlat korxonalarining o’tgan va o’tayotgan moliya yilidagi moliyaviy holati, kelgusi moliya yili uchun asosiy moliya ko’rsatkichlarining prognozi;
   
10. 
    Kelgusi yil uchun davlat byudjeti haqidagi qonunning loyihasi.
    

2009-2011 yillar makroiqtisodiy ko’ratkichlari, o’tgan yilga nisbatan foizda

Ko’rsatkichlar	2009 yil		2010 yil		2011 yil
	kutilayotgan ijro, foizda	ijro	kutilayotgan ijro, foizda	ijro	kutilayotgan ijro, foizda
Yalpi ichki mahsulot	108,5	108,1	108,3	108,5	108,3
Sanoat mahsuloti hajmi	110,9	109,0	108,3		109,3
Qishloq xo’jaligi mahsuloti ishlab chiqarish hajmi	105,0	113,9	105,0	106,8	105,8
Kapital qo’yilmalar hajmi	118,0	124,8	122,1		112,1
Davlat byudjeti taqchilligi(YaIMga nisbatan foizda)	-1,0	Q0,2	-1,0	Q0,3	-1,0

Manba: O’zbekiston Respublikasi Moliya vazirligi ma’lumotlari

Jadval ma’lumotlaridan ko’rinib turganidek, 2009 yilda YaIMning o’sishi 8,5% bo’lishi ko’zda tutilgan bo’lsada, haqiqiatda bu ko’rsatkich 8,1%ni tashkil etib, bu jahon moliyaviy-iqtisodiy inqirozi sharoitida dunyodagi eng yuqori ko’rsatkichlardan biridir¹. Sanoat mahsulotlari hajmining o’sishi kutilganidan 1,9% kam bo’lishiga qaramasdan, qishloq xo’jaligi mahsuloti ishlab chiqarish hajmi kutilga 5% o’rniga 13,9%ni, kapital qo’yilmalar hajmi kutilgan 18% o’rniga 24,8%ni tashkil etgan. Davlat byudjeti YaIMga nisbatan 1% taqchillik bilan ijro etilishi ko’zda tutilgan bo’lsada, haqiqiatda 0,2% profitsit bilan ijro etilgan. 2010 yilda barcha ko’rsatkichlar bo’yicha ijobiy natijalarga erishilgan. 2010 yil rejasiga ko’ra kapital qo’yilmalar va qishloq xo’jaligi mahsulotlari hajmi o’tgan yilga nisbatan pastroq o’sishi ko’zda tutilmoqda.